Ալցհեյմերի հիվանդություն. կանխարգելում

Ալցհեյմերի հիվանդություն. կանխարգելում

Ալցհեյմերի հիվանդությունը կանխարգելող որևէ եզակի միջոց գոյություն չունի, սակայն կան որոշ միջոցառումներ, որոնք կարող են զսպել հիվանդության հարաճուն զարգացումը:

Ահա Ալցհեյմերի հիվանդության ռիսկը նվազեցնող որոշ միջոցառումներ՝

  • ակտիվ պահեք ձեր ուղեղը՝ պարբերաբար զբաղվելով «ուղեղային» խաղերով (օրինակ՝ «փազլ») և յուրաքանչյուր հնարավորությունն օգտագործելով, որ նոր բաներ սովորեք
  • կանոնավոր կերպով զբաղվեք ֆիզիկական մարզանքներով, ներառյալ՝ հավասարակշռությունը զարգացնող վարժանքներ
  • առողջացրեք ձեր սնունդը՝ սահմանափակելով կերակրի աղի և հագեցած ճարպերի քանակները
  • կանոնավոր կերպով այցելեք ձեր բժշկին, որ ստուգեք ձեր զարկերակային ճնշումը, արյան գլյուկոզը և խոլեսթերինի մակարդակը
  • շարունակեք ակտիվ սոցիալական շփումները, հանդիպումները և այլն
  • խուսափեք գլխի վնասվածքներից և կրճատեք դրա հավանականությունը, օրինակ, հեծանիվ վարելիս կրեք պաշտպանական գլխարկ կամ առանց բացառությունների օգտվեք ավտոմեքենայի ամրագոտիներից
  • մի ծխեք
  • սահմանափակեք ալկոհոլի օգտագործումը:

Գիտական հետազոտություններ

Ալցհեյմերի հիվանդության վերաբերյալ բժշկագիտական հետազոտությունները շարունակվում են՝ ուղղված հիվանդության զարգացումը կանխարգելող արդյունավետ միջոցների և դեմենցիայի մեղմացման դեղերի հայտնաբերմանը:

Հոդվածը վերանայվել է՝ 25-04-2021