Պատճառներ - Հետանցքի ճաք

Հետանցքային (անալ) ճաքերի մեծ մասը պատճառվում է այդ շրջանի վնասվածքներից, սովորաբար, երբ ուղիղ աղու վերջնամասի՝ հետանցքային խողովակի լորձաթաղանթը լայնանում է ավելի շատ, քան ձգվելու հնարավորությունն է։

Հետանցքի ճաքերի ընդհանուր պատճառները ներառում են հետևյալը:

• Մեծաքանակ կամ կոշտ կղանքի դատարկում անցնելը
• փորկապություն և աղիքները դատարկելիս ձգվածություն
• Երկար շարունակվող փորլուծություն
• հետանցքային (անալ) սեռական հարաբերություն
• ծննդաբերություն (ծննդաբերական վնասվածք)։

Հետանցքային ճաքերի ավելի քիչ տարածված պատճառներից են՝

• Կրոնի հիվանդություն կամ այլ աղիների բորբոքային հիվանդություն
• հետանցքային քաղցկեղ
• ՄԻԱՎ
• տուբերկուլոզ
• սիֆիլիս կամ սեռական ճանապարհով փոխանցվող վարակներ, օրինակ՝ սեռական (գենիտալ) հերպես:

Տարեցների մոտ հետանցքային ճաքերն առաջանում են այդ շրջանի արյունամատակարարման խանգարման պատճառով:

Ռիսկի գործոններ

Գործոնները, որոնք կարող են մեծացնել հետանցքային ճաքի առաջացման ռիսկը, ներառում են հետևյալը:

• Փորկապություն. աղիների դատարկման ժամանակ ձգվելը և պինդ կամ կարծր կղանքը մեծացնում են հետանցքային խողովակի լորձաթաղանթի պատռվելու ռիսկը:
• Ծննդաբերություն. ծննդաբերությունից հետո կանանց մոտ հետանցքային ճաքերն ավելի հաճախ են հանդիպում:
• Կրոնի հիվանդություն. աղիների այս բորբոքային հիվանդությունն առաջացնում է աղիքային խողովակի քրոնիկ բորբոքում: Սա կարող է հետանցքային խողովակի լորձաթաղանթը պատռման նկատմամբ ավելի խոցելի դարձնել:
• Հետանցքային (անալ) սեռական հարաբերություն, որը կարող է բերել լորձաթաղանթի մեխանիկական վնասման:
• Տարիք. հետանցքի ճաքերը կարող են առաջանալ ցանկացած տարիքում, սակայն ավելի հաճախ հանդիպում են նորածինների և միջին տարիքի չափահասների մոտ: