Կենսակերպի մի քանի փոփոխություններ կարող են օգնել ազատվելու անհարմարությունից և նպաստել հետանցքային (անալ) ճաքի ապաքինմանը, ինչպես նաև կանխել կրկնությունները:
Ապրելակերպի փոփոխությունները ներառում են հետևյալը:
- Ձեր սննդակարգում բջջանք (բջջանյութ) ավելացրեք. օրական մոտ 25-ից 35 գրամ բջջանք ուտելը կարող է օգնել կղանքը փափուկ պահելուն և բարելավել ճաքերի բուժումը: Բջջանքով հարուստ մթերքներից են մրգերը, բանջարեղենը, ընկույզները և ամբողջահատիկ ձավարեղենը: Դուք կարող եք նաև բջջանքի հավելում ընդունել: Բջջանքի ավելացումը կարող է առաջացնել աղիքային գազեր և փքվածություն, այնպես որ ձեր սննդի մեջ բջջանքն ավելացրեք աստիճանաբար:
- Խմեք բավականաչափ հեղուկներ. հեղուկներն օգնում են փորկապության կանխարգելմանը։
- Մի՛ լարվեք աղիքների դատարկման ժամանակ. չափից դուրս ձգվելը և հետանցքի վրա լրացուցիչ լարվածությունը ստեղծում է ճնշում, որը կարող է բացել ապաքինվող պատռվածքը կամ առաջացնել նոր պատռվածք:
- Նստեք գոլ վաննա. սա նաև կոչվում է նստած լոգանք: 10-ից 20 րոպե գոլ ջրի մեջ օրը մի քանի անգամ հետանցքի շրջանը թրջելը կարող է հանգստացնել մաշկը և նպաստել մկանների թուլացմանը: Հնարավորության դեպքում աղիքները դատարկելուց հետո նստած լոգանք ընդունեք:
Եթե ձեր նորածին երեխան ունի հետանցքային ճաք, հաճախակի փոխեք տակդիրները և նրբորեն լվացեք այդ հատվածը: Նաև խնդիրը քննարկեք ձեր երեխայի բժշկի հետ:
Հոդվածը հրապարակվել է՝ 23-05-2023
Վերջին վերանայում՝ 22-04-2024