Ախտանիշներ - Հետանցքի ճաք

Հետանցքի (անալ) ճաքի գանգատներն ու ախտանիշները ներառում են հետևյալը:

• Ցավ աղիքները դատարկելու ժամանակ:
• Ցավ կղազատումից հետո, որը կարող է տևել մինչև մի քանի ժամ:
• Կղազատումից հետո կղանքի կամ զուգարանի թղթի վրա ալ կարմիր թարմ արյուն:
• Հետանցքի շուրջ մաշկի տեսանելի ճեղք, վերք կամ խոց:
• Հետանցքի շրջանում կծկանքի (սպազմի) կամ ձգվածության զգացում:
• Հետանցքի ճեղքի մոտ գտնվող մաշկի վրա փոքր ուռածություն կամ մաշկային ելուստ:
• Հետանցքի շրջանի քոր:

Ե՞րբ դիմել բժշկին

Այցելեք ձեր բժշկին, եթե աղիքները դատարկելիս ցավ ունեք կամ կղազատումից հետո արյուն եք նկատում կղանքում կամ զուգարանի թղթի վրա: