Գրադարան
Հետանցքի ճաք
1 րոպե
Հետանցքային կամ անալ ճաքը հետանցքը ծածկող բարակ, խոնավ հյուսվածքի փոքր պատռվածք է:
Հետանցքը (անուս) մարսողական խողովակի վերջում մկանային բացվածք է, որի միջով կղանքը դուրս է գալիս օրգանիզմիվ: Հետանցքային ճաքի ընդհանուր պատճառները ներառում են փորկապություն և կղազատելիս գերլարում կամ կոշտ կամ մեծ կղանքի դատարկում: Հետանցքային ճաքերը սովորաբար առաջացնում են աղիքները դատարկելիս կամ դրանից հետո ցավ և արյունահոսություն: Դուք նաև կարող եք հետանցքի վերջում գտնվող մկանային օղի՝ հետանցքային սեղմակի (սֆինկտերի) կծկանք զգալ:
Հետանցքային ճաքերը շատ տարածված են փոքր նորածինների շրջանում, սակայն կարող են առաջանալ ցանկացած տարիքի մարդկանց մոտ: Այս ճաքերի մեծամասնությունը լավանում է պարզ բուժումների միջոցով, ինչպիսիք են բջջանքի (բջջանյութի) ավելացված ընդունումը կամ գոլից մինչև տաք ջրով լոգանք ընդունելը: Հետանցքային ճաքեր ունեցող որոշ մարդիկ կարող են դեղորայքի կամ երբեմն վիրահատության կարիք ունենալ:
Հոդվածը տեղադրվել է՝ 27-05-2019 վերանայվել է՝ 27-06-2023 | Հիմնական աղբյուր՝ Evidence-Based Overviews
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
