Անաֆիլաքսիայի կանխարգելման լավագույն ուղին սուր ռեակցիա առաջացնող նյութերից հեռու մնալն է:
Փորձեք նաև այլ մեթոդները:
- Կրեք բժշկական նախազգուշացման վզնոց կամ ապարանջան. սա թույլ կտա տարբեր իրավիճակներում ձեզ օգնության հասնող մարդկանց կամ բուժանձնակազմին տեղեկանալ, որ ունեք ալերգիա կոնկրետ դեղերից կամ նյութերից:
- Մշտապես ձեզ մոտ պահեք անհետաձգելի բուժօգնության հավաքածու. եթե ալերգիկ եք, տեղեկացեք ձեր բժշկից, թե ինչպիսի դեղամիջոցներ կարող են պետք գալ սուր ալերգիկ ռեակցիայի բուժման համար և մշտապես ձեզ մոտ պահեք դրանք, որոնք կարող են անհրաժեշտ պահին պետք գալ և ձեր կյանքը փրկել:
- Տեղեկացրեք բոլոր բժիշկներին ձեր ալերգիկ լինելու մասին. այլ հիվանդությունների կամ առողջական խնդիրների կապակցությամբ ձեզ անծանոթ բժիշկների հետ շփվելիս անպայման տեղեկացրեք ձեր ալերգիայի մասին:
- Վերջապես, խուսափեք ձեզ հայտնի և անհայտ բոլոր ալերգեններից. օրինակ, պաշտպանեք ինքներդ ձեզ բնության գրկում ծաղկափոշուց, միջատների խայթոցից կամ սուր հոտով օծանելիքներից և խնամքի այլ միջոցներից, ձեզ անծանոթ սննդամթերքներից և ըմպելիքներից (ուշադիր ծանոթացեք պիտակներին): Հիշեք, որ ալերգենի նույնիսկ աննշան քանակությունը կարող է առաջացնել բուռն ալերգիկ ռեակցիա:
Հոդվածը հրապարակվել է՝ 19-04-2021
Վերջին վերանայում՝ 22-04-2024