Գրադարան
Անաֆիլաքսիա. բուժում
1 րոպե
Անաֆիլակտիկ գրոհը կարող է պահանջել սիրտ-թոքային վերակենդանացման միջոցառումների իրականացում, օրինակ, եթե առկա է շնչառության կամ սրտի կանգ:
Ձեզ կարող են նշանակել դեղամիջոցներ, այդ թվում՝
- Էպինեֆրին (ադրենալին)՝ օրգանիզմի ալերգիկ պատասխանը կրճատելու համար
- թթվածին՝ շնչառությանը օգնելու համար
- ներերակային հակահիստամինայիններ և Կորտիզոն՝ շնչուղիների բորբոքային այտուցը կրճատելու և շնչառությունը բարելավելու համար
- որևէ բետա-ագոնիստ (օրինակ՝ Ալբուտերոլ)՝ շնչառական ախտանիշները մեղմացնելու համար:
Իմացե՛ք ավելին անաֆիլաքսիայի առաջին օգնության մասին:
Երկարաժամկետ բուժում
Եթե անաֆիլաքսիայի պատճառը միջատի խայթոցն է, կյանքին սպառնացող բարդությունները բուժելուց հետո բժիշկը կարող է առաջարկել հատուկ բուժման մեթոդ՝ իմունոթերապիա, որի նպատակը օրգանիզմի ալերգիկ ռեակցիան կրճատելն է և ապագայում սուր ռեակցիաների կանխարգելումը:
Ցավոք, անաֆիլաքսիայի մյուս պատճառների դեպքում մեծամասամբ չկա որևէ միջոց, որը կարող էր բուժել սուր ալերգիկ ռեակցիա առաջացնող իմունային համակարգի խանգարումը: Սակայն, դուք կարող եք ձեռնարկել քայլեր, որ կանխարգելեք ապագա ռեակցիաները, ինչպես նաև նախապես պատրաստվել նման իրավիճակների հաղթահարմանը: Մասնավորապես, դուք կարող եք՝
- փորձել խուսափել ձեզ հայտնի ալերգիա հրահրող գործոններից (տրիգերներ)
- մշտապես ձեզ մոտ պահել Էպինեֆրինի ինքնաներարկիչ:
Հոդվածը տեղադրվել է՝ 19-04-2021 վերանայվել է՝ 10-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
