Գրադարան

Աորտալ ստենոզ․ ինքնօգնություն

Աորտալ ստենոզ․ ինքնօգնություն

Time Read 2 րոպե

Եթե ունեք աորտայի փականի նեղացում կամ ստենոզ, դուք, ամենայն հավանականությամբ, կարիք կունենաք անցնելու կանոնավոր ստուգումներ:

Շարունակեք օգտագործել ձեր բոլոր դեղերն այնպես, ինչպես նշանակել է ձեր բժիշկը:

Ապրելակերպի որոշակի փոփոխություններ կատարելը կարող է օգնել, որ պահեք ձեր սիրտն առողջ և կանխեք կամ դանդաղեցնեք սրտային հիվանդության վատթարացումը: Փորձեք սրտի համար առողջարար այս խորհուրդները:

  • Մի՛ ծխեք․ եթե ծխում եք, հրաժարվեք այս վնասակար սովորույթից։ Հարցրեք ձեր բժշկին այն տարբերակների մասին, որոնք կօգնեն ձեզ թողնել ծխելը: Փոխօգնության խմբին միանալը կարող է օգտակար լինել:
  • Անցեք սրտի համար առողջարար սննդակարգի․ կերեք տարբեր մրգեր և բանջարեղեն, ցածր յուղայնության կամ անյուղ կաթնամթերք, թռչնամիս, ձուկ և ամբողջահատիկ ձավարեղեն: Խուսափեք հագեցած և տրանս-ճարպերից, հավելյալ աղից և շաքարից:
  • Պահպանեք առողջ քաշը․ նպատակ դրեք պահպանել ձեր առողջ քաշը: Նիհարեք, եթե ավելորդ քաշ կամ գիրություն ունեք: Նույնիսկ մի քանի ավելորդ կիլոգրամ կորցնելը կարող է օգնել սրտային հիվանդության ռիսկի գործոնների կրճատմանը: Խոսեք բժշկի հետ ձեզ համար լավագույն մարմնի քաշի և դրան հասնելու ուղիների մասին:
  • Մնացեք ֆիզիկապես ակտիվ․ վարժանքներն օգնում են քաշի կառավարմանը և սրտային հիվանդության ռիսկի գործոնների վերահսկմանը: Նպատակ դրեք ամեն օր մոտ 30 րոպե լինել ֆիզիկապես ակտիվ, օրինակ՝ արագ քայլքի միջոցով:
  • Կառավարեք սթրեսը. գտեք եղանակներ, որոնք կօգնեն նվազեցնելու ձեր հուզական սթրեսը: Ավելի շատ ֆիզիկական վարժանքներ անելը, գիտակցվածությամբ զբաղվելը, ընտանիքի և ընկերների հետ ժամանակ անցկացնելը և փոխօգնության խմբերում այլ մարդկանց հետ կապ հաստատելը սթրեսի կրճատման որոշ արդյունավետ տարբերակներ են:

Հղիությունը և աորտալ փականի հիվանդությունը

Եթե ունեք աորտայի ստենոզ և մտածում եք հղիանալու մասին, կարևոր է խոսել բժշկի հետ ձեր ծրագրերի մասին: Միասին դուք և ձեր բժիշկը կարող եք քննարկել դեղամիջոցների անվտանգությունը և այն, թե արդյոք նախքան հղիանալը ձեզ անհրաժեշտ է աորտայի փականի ստենոզի բուժման որևէ վիրահատական կամ այլ միջամտություն:

Սրտի փականային հիվանդություն ունեցողներն ունեն հղիության ընթացքում բուժաշխատողների կողմից առավել ուշադիր վերահսկողության կարիք: Եթե ունեք աորտայի ծանր ստենոզ, բժիշկները կարող են խորհուրդ տալ, որ հրաժարվեք հղիանալու մտադրությունից:

Բուժում      

Հոդվածը տեղադրվել է՝ 08-12-2023 վերանայվել է՝ 08-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով