Գրադարան
ՍՇԴՀ. բուժում
2 րոպե
Սուր շնչառական դիսթրես համախտանիշի (ՍՇԴՀ) բուժման առաջին նպատակը արյան մեջ թթվածնի մակարդակի բարելավումն է, քանի որ առանց բավարար թթվածնի, ձեր օրգանները չեն կարող ճիշտ աշխատել:
Թթվածին
Ձեր արյան մեջ ավելի շատ թթվածին ստանալու համար բժիշկը հավանաբար կօգտագործի հետևյալ մեթոդները:
- Լրացուցիչ թթվածին. ավելի թեթև ախտանիշների դեպքում կամ որպես ժամանակավոր միջոց, թթվածինը կարող է տրվել դիմակի միջոցով, որը կիպ կպչում է ձեր քթի և բերանի վրա:
- Մեխանիկական օդափոխություն. ՍՇԴՀ ունեցող մարդկանց մեծամասնությունը շնչելու համար մեքենայի օգնության կարիք կունենա: Մեխանիկական օդափոխիչը (թոքերի արհեստական օդափոխության սարք) օդը մղում է ձեր թոքերը և հեղուկի մի մասը դուրս մղում ալվեոլներից: Նման դեպքում թոքերի օդափոխությունն անցկացվում է արտաշնչման վերջում դրական ճնշման (PEEP) ռեժիմով, որն ալվեոլները պահում է բաց վիճակում և կանխում դրանց կոլապսի ենթարկվելը:
Հեղուկներ
Շատ կարևոր է ներերակային հեղուկների քանակի ճիշտ կառավարումը: Շատ հեղուկը կարող է մեծացնել թոքերում հեղուկի կուտակումը, իսկ չափազանց քիչ հեղուկը կարող է գերլարել ձեր սիրտը և այլ օրգանները և հանգեցնել շոկի և բազմաօրգանային անբավարարությանը:
Դեղեր
ՍՇԴՀ ունեցող մարդկանց սովորաբար դեղորայք է տրվում հետևյալի համար՝
- կանխարգելել և բուժել վարակները
- թեթևացնել ցավն ու անհարմարությունը
- կանխել արյան մակարդուկները (թրոմբները) ոտքերում և թոքերում
- նվազագույնի հասցնել ստամոքսային ռեֆլյուքսը
- մեղմացնել շնչառական սարքին մաիցված հիվանդի ռեֆլեկտոր դիմադրությունը (հանգստացնող կամ քնաբեր միջոցներ)
- կանխարգելել ՍՇԴՀ այլ բարդությունները
- ապահովել հիվանդի բավարար սնուցումը:
Հոդվածը տեղադրվել է՝ 18-04-2020 վերանայվել է՝ 25-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
