Ախտանիշներ - Արթրիտ

Հոդաբորբի ամենատարածված գանգատներն ու ախտանիշները կապված են հոդերի հետ:

Կախված արթրիտի տեսակից, գանգատներն ու ախտանիշները կարող են ներառել՝

• ցավ, որը կարող է ուժեղանալ շարժումների ժամանակ
• կոշտություն
• այտուցվածություն
• կարմրություն և տեղային ջերմություն
• շարժման ծավալի նվազում:

Արթրիտի որոշ տեսակների ժամանակ, հատկապես, եթե դրանք զարգացել են որպես այլ հիվանդության ախտանիշ, կարող են զարգանալ նաև արտահոդային ախտանիշներ, ինչպիսիք են՝

• հոգնածություն
• քաշի կորուստ
• մաշկային խնդիրներ
• ինքնազգացողության վատացում։

Ե՞րբ դիմել բժշկին

Դիմեք ձեր բժշկին, եթե ունեք մեկ կամ մի քանի հոդերում ցավ, կարկամություն, այտուց կամ հոդերի հետ կապված այլ գանգատներ և ախտանիշներ: