Պատճառներ - Արթրիտ

Հոդաբորբի երկու հիմնական տեսակները՝ օստեոարթրիտը և ռևմատոիդ արթրիտը, տարբեր ձևերով վնասում են հոդերը:

Օստեոարթրիտ

Արթրիտի ամենատարածված տեսակը՝ օստեոարթրիտը, կապված է հոդերի աճառի (հոդաճառի) մաշվածության և հյուծման հետ՝ ոսկորների ծայրերի կոշտ, սահուն ծածկույթ, որտեղ դրանք ստեղծում են հոդեր: Աճառը ամորտիզացնում է ոսկորների ծայրերը և թույլ է տալիս հոդերի գրեթե առանց շփման շարժումը, սակայն զգալի վնասը կարող է հանգեցնել ոսկորների ուղղակիորեն ոսկորների հետ շփման, որն առաջացնում է ցավ և շարժումների սահմանափակում: Այս մաշվածությունը կարող է առաջանալ երկար տարիների ընթացքում կամ կարող է արագանալ հոդերի վնասվածքի կամ վարակի պատճառով:

Օստեոարթրիտը նաև առաջացնում է փոփոխություններ ոսկորներում և շարակցական հյուսվածքների վիճակի վատթարացում, որոնք մկանները կապում են ոսկորին և միասին պահում հոդը: Եթե հոդաճառը խիստ վնասված է, հոդերի լորձաթաղանթը կարող է բորբոքվել և այտուցվել:

Իմացե՛ք ավելին օստեոարթրիտի մասին:

Ռևմատոիդ արթրիտ

Ռևմատոիդ արթրիտի դեպքում օրգանիզմի իմունային համակարգը գրոհում է հոդաշապիկի (սինովյալ) լորձաթաղանթի վրա՝ պինդ թաղանթ, որը պարփակում է հոդերի բոլոր մասերը: Այս լորձաթաղանթը (սինովիալ թաղանթ) բորբոքվում և այտուցվում է: Հիվանդության ընթացքը կարող է ի վերջո քայքայել հոդի ներսում աճառը և ոսկորը:

Իմացե՛ք ավելին ռևմատոիդ արթրիտի մասին:

Ռիսկի գործոններ

• Ընտանեկան պատմություն (անամնեզ). արթրիտի որոշ տեսակներ հակված են հանդիպելու որոշ ընտանիքներում, ուստի հնարավոր է, որ ձեզ մոտ արթրիտի հավանականությունը աճի, եթե ձեր ծնողները կամ քույրերն ու եղբայրները ունեն արթրիտ:
• Տարիք. արթրիտի բազմաթիվ տեսակների ռիսկը, ներառյալ օստեոարթրիտը, ռևմատոիդ արթրիտը և պոդագրան (հոդատապ), մեծանում է տարիքի հետ:
• Սեռ. կանանց մոտ ավելի հավանական է ռևմատոիդ արթրիտի զարգացումը, քան տղամարդկանց մոտ, մինչդեռ պոդագրայով հիվանդների մեծ մասը տղամարդիկ են:
• Նախկին հոդերի վնասվածք. մարդիկ, ովքեր վնասել են հոդը, օրինակ, սպորտով զբաղվելիս, ավելի հավանական է, որ ի վերջո այդ հոդում արթրիտ ունենան:
• Գիրություն. ավելորդ կիլոգրամներ կրելը հավելյալ լարվածություն է առաջացնում հոդերի համար, հատկապես ծնկների, կոնքի և ողնաշարի վրա: Գիրություն ունեցող մարդիկ արթրիտի զարգացման ավելի մեծ ռիսկ ունեն: