Ախտանիշներ - Ատորֆիկ վագինիտ

Դաշտանադադարի միզասեռական համախտանիշի (ԴՄՀ) գանգատներն ու ախտանիշները կարող են ներառել հետևյալը:

• Հեշտոցի չորություն
• հետշոցում այրոցի զգացողություն
• հեշտոցային արտադրություն
• սեռական շրջանի քոր
• միզելիս այրոցի զգացողություն
• հրատապ (ուրգենտ) միզելու պահանջ
• հաճախամիզություն
• միզուղիների կրկնվող վարակներ
• անմիզապահություն
• սեռական հարաբերությունից հետո թեթև արյունահոսություն
• սեռական հարաբերությանն ուղեկցող անհարմարավետություն
• սեռական ակտիվության ընթացքում թուլացած հեշտոցային խոնավացում (լուբրիկացիա)
• հեշտոցային խողովակի կարճացում և պնդացում (հեշտոցի պատերի առաձգականության կորուստ):

Ե՞րբ դիմել բժշկին

Հետդաշտանադադարի փուլում բազմաթիվ կանայք առնչվում են ԴՄՀ-ի հետ, սակայն քչերն են դիմում բուժման: Կանայք կարող են ամաչել բժշկի հետ քննարկել իրենց ախտանիշները և կարող են համակերպվել այս ախտանիշներով ապրելու հետ:

Պայմանավորվեք և այցելեք ձեր բժշկին, եթե ունեք անբացատրելի կամ արտասովոր հեշտոցային արտադրություն կամ արյունահոսություն, այրոցի զգացողություն կամ ցավ:

Հանդիպեք ձեր բժշկին նաև այն դեպքերում, եթե զգում եք ցավոտ սեռական հարաբերություն, որը չի վերանում հեշտոցային խոնավացնող միջոցներով կամ ջրի վրա հիմնված քսանյութերով (լուբրիկանտներ):