Շուտով մեր կայքում կգործարկվի օնլայն խորհրդատվության ծառայությունը
Մենք կպատրաստենք հատուկ էջ, որտեղ դուք կկարողանաք հրապարակել Ձեր հարցը կամ մտահոգությունը, իսկ մենք կփորձենք պատասխանել Ձեզ:
Կայքի մյուս այցելուներին տեսանելի կլինեն Ձեր հարցը և մեր պատասխանը՝ առանց Ձեր անձնական կամ այլ տվյալները գաղտնազերծելու:
Մեդեքսի օնլայն գործիքները թույլ են տալիս գնահատել Ձեր առողջության որոշ ցուցանիշներ:
Խնդրում ենք հաշվի առնել, որ դրանք չեն փոխարինում Ձեր բժշկին: Ուստի, առողջական խնդիրներ հայտնաբերելիս դիմեք Ձեր բժշկին, իսկ անհետաձգելի բուժօգնության կարիքի դեպքում առանց հետաձգելու զանգեք 1-03:
Մեջքի շրջանի ցավերը շատ տարածված խնդիր են և հանդիպում են բոլոր տարիքի մարդկանց մոտ:
Մենք սովորաբար մեջքի ցավերը կապում ենք ողնաշարի հետ: Բայց պետք է հիշել, որ մեր մեջքը կարող է ցավել նաև այլ պատճառներից:
Մեջքի ցավը մեր իրանի ետևում տեղակայված ցավի, ճնշման կամ «քարանալու» տհաճ զգացողություններն են:
Մեջքի շրջանի ցավերի պատճառները տարբեր են՝ կտրուկ շարժումներ, մեջքի «անհաջող» պտույտներ, վնասվածքներ, որոշ հիվանդություններ, այդ թվում՝ ողնաշարի հետ որևէ կապ չունեցող: Որոշ դեպքերում ցավերը կարող են սկսվել առանց որևէ ակնհայտ պատճառի:
Ավելի հաճախ այս ցավերը տեղակայվում են մեջքի ստորին շրջաններում՝ գոտկատեղում և դրսևորվում մի շարք ախտանիշներով: Մեջքի ցավերը կարող են ինքնուրույն մեղմանալ սկսվելուց մի քանի օր կամ երբեմն շաբաթ անց, բայց իրենց զգացնել տալ ավելի երկար ժամանակ:
Եթե ձեզ մոտ առկա է մեջքի ցավ, կարևոր է, որ դուք չափից դուրս շատ չսահմանափակեք ձեր շարժումնեը: Նույնիսկ եթե մարմնի դիրքի փոփոխությունը առաջացնում է ուժեղ ցավ, փորձեք ձեր շարժումները դարձնել ավելի նուրբ ու դանդաղ, ինչն ավելի լավ է, քան անկողնում անշարժ «գամված վիճակում» մնալը:
Ձեր ապրելակերպը դարձրեք ֆիզիկապես ակտիվ և օրական առնվազն 30 րոպե տրամադրեք մարզանքներին, և ձեր մեջքը կդառնա ավելի պինդ և ճկուն, որի շնորհիվ կնվազի ողնաշարի հետ կապված մեջքի ցավերի հավանականությունը:
