Ինքնօգնություն - Մեջքի ցավ

Եթե ունեք մեջքի ցավ, կան մի շարք մեթոդներ և միջոցներ, որոնք կարող են օգնել մինչև բժշկին դիմելը:

Այնուամենայնիվ, նկատի ունեցեք, որ մեջքի ցավ կարող է առաջանալ նաև այնպիսի հիվանդությունների ժամանակ, որոնց դեպքում պետք է դիմել վիրաբուժական կենտրոն:

Շարունակեք շարժվելը

• Խուսափեք երկարատև անկողնային հանգստից. ակտիվ մարդկանց մեջքի ցավերն ավելի արագ են մեղմանում:
• Փորձեք քայլել՝ ամեն օր մի փոքր ավելացնելով քայլքի երկարությունը: Օրինակ, կարող եք սկսել տան մեջ քայլելուց և հասնել մինչև ոտքով մոտակա խանութ գնալ-գալուն: Այս ընթացքում գուցե մի փոքր անհարմարավետություն զգաք: Ամեն դեպքում, խուսափեք այն ամենից, ինչը կարող է մեջքի ցավի սաստակցման պատճառ դառնալ:
• Ամեն անգամ ֆիզիկական ակտիվությունից առաջ փորձեք կատարել նախավաժանքներ:
• Խուսափեք ծարություն բարձրացնելուց, ինչպես նաև մեծ ծավալի և անհարմար շարժումներից:

Տաք և սառը միջոցներ

• Ցավոտ շրջանը տաքացնելը կարող է մեղմացնել ցավերը (տաք ջրով լոգանք, ջեռակ):
• Ցավոտ շրջանին սառը դնելը նույնպես կարող է օգտակար լինել (շորով փաթաթած սառույցի կտորներ, հաճախակի փոփոխվող սառը ջրով թրջոցներ և այլն):
• Կարելի է պարբերաբար տաքացնող միջոցառումները փոխարինել սառեցնողով և հակառակը:

Մի՛ դիմեք տաքացնող և սառեցնող միջոցներին, եթե գոտկային, հետույքի կամ ոտքերի շրջաններում զգում եք թմրածություն:

Քնելու դիրքեր

Փոփոխելով քնելու դիրքը, կարող եք ձեր մեջքն ազատել լրացուցիչ լարվածությունից և մեղմացնել ցավերը:

• Եթե քնում ենք մի կողմի վրա պառկած վիճակում, փորձեք ոտքերը քիչ ծալել և մոտեցնել որովայնին: Օգտակար կարող է լինել նաև այս դիրքում ոտքերի միջև բարձ դնելը:
• Եթե քնում եք մեջքի վրա, ծնկների տակ դրեք ոչ մեծ բարձ:

Մի՛ ընկճվեք

Ցավերին դիմակայելու ուղիներից է նաև դրանց վրա կենտրոնանալու փոխարեն առօրյա կյանքով ապրելը:

Աշխատավայր

• Եթե ձեր աշխատանքը պահանջում է տևական նստած դիրք, օգտագործեք գոտկային թիկնակով աթոռներ: Հակառակ դեպքում գոտկային շրջանի ետևը բարձ կամ փաթաթած սրբիչ դրեք:
• Աշխատեք օգտվել այնպիսի աթոռից, որի վրա նստելիս ազդրերը կամ ծնկները շատ չեն սեղմվում:
• Եթե աշխատավայրում ստիպված եք երկար ժամանակ կանգնած մնալ, ժամանակ առ ժամանակ և հաջորդաբար ոտքերից մեկին հանգիստ տվեք:
• Խուսափեք բարձրակրունկ կոշիկներից, առավել ևս, եթե աշխատանքի բերումով ստիպված եք երկար ժամանակ կանգնած մնալ:
• Խուսափեք երկար ժամանակ անընդմեջ մի կողմի վրա թեքված կամ կռացած գործ անելուց:
• Եթե ձեր աշխատանքը կապված է կրկնվող շարժումների հետ, ժամանակ առ ժամանակ դադար վերցրեք (օրինակ՝ ամեն 10-15 րոպեն մեկ՝ 30 վայրկյանով) և այս կարճ ժամանակում մի փոքր թուլացեք և հանգստացեք:

Այլընտրանքային բժշկություն

Կան բազմաթիվ այլընտրանքային բուժումներ, որոնք կարող են մեղմացնել մեջքի ցավը: Խորհրդակցեք ձեզ բժշկի հետ, թե դրանցից որոնք կարող են ձեզ օգտակար լինել, ինչպես նաև քննարկեք հնարավոր օգուտներն և ռիսկերը:

• Խիրոպրակտիկա. խիրոպրակտիկ մասնագետը տեղաշարժում է ձեր ողնաշարը՝ փորձելով մեղմացնել մեջքի ցավը:
• Ասեղնաբուժություն. սա ստերիլ բարակ ասեղների ներմուծումն է ձեր մարմնի հատուկ շրջաններ՝ «կետեր»: Հետազոտությունները վկայում են, որ ասեղնաբուժությունը կարող է արդյունավետ կերպով մեղմացնել մեջքի ցավը:
• Մերսում. եթե մեջքի ցավի պատճառը մկանային լարվածությունը կամ գերօգտագործումն է, մերսումը կարող է օգնել:
• Յոգա. կան յոգայի տարբեր տեսակներ, որոնք ներառում են հատուկ դիրքերի կամ կեցվածքների վարժանքներ, շնչառական վարժանքներ և թուլացման (ռելաքսացիայի) մեթոդներ: Յոգան կարող է ամրապնդել և մարզել մկանները և բարելավել մարմնի կեցվածքը: