Մեջքի ցավը կարող է տատանվել՝ սկսած բութ մկանացավից մինչև կրակող, խոցող ցավ կամ այրոցի զգացում:
Բացի այդ, ցավը կարող է տարածվել թիկունքից դեպի բազուկ կամ ձեռք, ինչպես նաև գոտկային շրջանից դեպի ազդր կամ ոտնաթաթ`ոչ հազվադեպ ուղեկցվելով վերջույթների թմրածությամբ և (կամ) մկանային թուլությամբ: Կռանալը, մարմինը ոլորելը, ծանրություն բարձրացնելը, կանգնելը կամ քայլելը կարող են վատթարացնել մեջքի ցավը:
Ե՞րբ դիմել բժշկին
Մեջքի ցավերի մեծ մասը տնային բուժման և ինքնօգնության և ինքնօգնության միջոցներով սովորաբար մի քանի շաբաթվա ընթացքում աստիճանաբար բարելավվում է: Կապվեք ձեր բժշկի հետ մեջքի ցավի համար, որը՝
- տևում է ավելի երկար, քան մի քանի շաբաթ
- ուժեղ է և չի լավանում հանգիստ պայմաններում
- ճառագայթվում է դեպի ձեր մեկ կամ երկու ոտքերը, հատկապես, եթե ցավն անցնում է ծնկից ներքև
- առաջացնում է ձեր մեկ կամ երկու ոտքերում թուլություն, թմրածություն կամ ծակծկոցներ
- զուգակցվում է ձեր քաշի անբացատրելի կորստի հետ:
Հազվադեպ, մեջքի ցավը կարող է ազդարարել լուրջ առողջական խնդրի մասին: Անհապաղ բուժօգնություն փնտրեք մեջքի ցավի համար, որը՝
- աղիների կամ միզապարկի հետ կապված նոր խնդիրներ է առաջացնում
- ուղեկցվում է ջերմությամբ
- հետևում է ընկնելուն, մեջքի հարվածին կամ այլ վնասվածքին:
Հոդվածը հրապարակվել է՝ 13-04-2018
Վերջին վերանայում՝ 05-04-2024