Գրադարան
Մեղվի խայթոց. ախտորոշում
1 րոպե
Եթե դուք պատասխան ռեակցիա եք դրսևորել մեղվի խայթոցին, որը հուշում է, որ դուք կարող եք ալերգիկ լինել մեղվի թույնի նկատմամբ, ձեր բժիշկը կարող է առաջարկել հետևյալ հետազոտություններից մեկը կամ երկուսն էլ:
- Մաշկային թեստ. մաշկային թեստի ժամանակ փոքր քանակությամբ ալերգենային մզվածք (այս դեպքում՝ մեղվի թույն) ներարկվում է ձեռքի կամ մեջքի վերին հատվածի մաշկի մեջ: Այս թեստն անվտանգ է և որևէ լուրջ ռեակցիա չի առաջացնի: Եթե ալերգիկ եք մեղվի խայթոցից, ներարկման տեղում ձեր մաշկի վրա կառաջանա բարձրացած հանգույցիկ կամ բշտիկ:
- Արյան թեստ. արյան թեստը կարող է չափել ձեր իմունային համակարգի արձագանքը մեղվի թույնին՝ չափելով ձեր արյան մեջ ալերգիա առաջացնող հակամարմինների քանակը: Արյան նմուշն ուղարկվում է լաբորատորիա, որտեղ կարող է ստուգվել հնարավոր ալերգենների նկատմամբ զգայունությունը:
Ալերգիայի հայտնաբերման մաշկային և արյան թեստերը հաճախ օգտագործվում են միասին՝ միջատների նկատմամբ ալերգիան ախտորոշելու համար: Ձեր բժիշկը նաև կարող է ցանկանալ ստուգել ձեր ռեակցիան այլ միջատների, այդ թվում՝ բոռերի և կրետների նկատմամբ, որոնք կարող են առաջացնել մեղվի խայթոցին նմանվող ալերգիկ ռեակցիաներ:
Հոդվածը տեղադրվել է՝ 19-05-2023 վերանայվել է՝ 20-05-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
