Մեծացած շագանակագեղձի ախտանիշները վերահսկելու համար փորձեք հետևյալ խորհուրդները:
- Երեկոյան սահմանափակեք ըմպելիքները. քնելուց 1-2 ժամ առաջ ոչինչ մի խմեք, որ խուսափեք գիշերվա կեսին զուգարան գնալուց:
- Սահմանափակեք կոֆեինը և ալկոհոլը. դրանք կարող են մեծացնել միզարտադրությունը, գրգռել միզապարկը և վատթարացնել ախտանիշները:
- Սահմանափակեք դեկոնգեստանտները կամ հակահիստամինայինները. այս դեղերը ձգում են միզուկը շրջապատող մկանախրձերը, ինչը դժվարացնում է միզելը:
- Մտեք զուգարան միզելու առաջին իսկ պահանջի դեպքում. շատ երկար սպասելը կարող է գերլարել միզապարկի մկանը և վնաս պատճառել:
- Կանոնավորեք զուգարան մտնելը. փորձեք միզել կանոնավոր ժամանակներում, օրինակ՝ օրվա ընթացքում յուրաքանչյուր չորսից վեց ժամը մեկ, որը թույլ է տալիս «մարզել» ձեր միզապարկը: Սա կարող է հատկապես օգտակար լինել, եթե ունեք խիստ հաճախամիզություն կամ միզելու հրատապ անհրաժեշտություն:
- Հետևեք առողջ սննդակարգին. գիրությունը կապված է շագանակագեղձի մեծացման հետ:
- Մնացեք ակտիվ. ֆիզիկական թերակտիվությունը նպաստում է մեզի պահպանմանը: Նույնիսկ թեթև ֆիզիկական վարժանքները կարող են օգնել մեծացած շագանակագեղձի պատճառով զարգացած միզելու հետ կապված խնդիրների թեթևացմանը:
- Միզեք, և մի քանի րոպե անց նորից միզեք. սա հայտնի է որպես կրկնակի դատարկում:
- Ձեզ տաք պահեք. ավելի ցածր ջերմաստիճանը կարող է առաջացնել մեզի կուտակում կամ հրատապ միզելու ցանկության սաստկացում:
Հոդվածը հրապարակվել է՝ 07-04-2021
Վերջին վերանայում՝ 05-04-2024