Ինքնօգնություն - Գլխուղեղային ուռուցք

Մարդկանց մեծ մասի համար գլխուղեղի ուռուցքի ախտորոշումը կարող է լինել ճնշող և վախեցնող:

Դուք կարող եք օգնել ինքներդ ձեզ՝ հասկանալու ձեր վիճակը և զրուցելու ձեր հույզերի մասին: Մասնավորապես, դուք կարող եք՝

• հնարավորինս շատ սովորել գլխուղեղի ուռուցքների մասին, որը թույլ կտա, որ ձեր բուժման և խնամքի վերաբերյալ կայացնեք իրազեկված որոշումներ
• պահպանել ձեր ընկերական և ընտանեկան կապերը և դիմել ձեզ հարազատ կամ վստանելի մարդու օգնությանը, երբ զգում եք հուզական օժանդակության անհրաժեշտություն
• գտնել ինչ-որ մեկին և զրուցել նրա հետ ձեր վախերի և բուժման ակնկալիքների մասին:

Այլընտրանքային բժշկություն

Գլխուղեղի ուռուցքների լրացուցիչ և այլընտրանքային բուժման ոլորտում հետազոտությունները սակավաթիվ են: Գլխուղեղի ուռուցքները բուժելու այլընտրանքային որևէ մեթոդ ապացուցված չէ: Այնուամենայնիվ, լրացուցիչ բուժումները կարող են օգնել ձեզ հաղթահարելու գլխուղեղի ուռուցքի ախտորոշման հետ կապված սթրեսը:

Որոշ լրացուցիչ բուժումներ, որոնք կարող են օգնել ձեզ հաղթահարելու ձեր հիվանդության հետ կապված խնդիրները, ներառում են՝

• արտ թերապիա (արվեստի թերապիա)
• վարժանքներ
• մեդիտացիա
• երաժշտական ​​թերապիա
• ռելաքսացիայի (հանդարտացման) վարժանքներ:

Խոսեք ձեր բուժող անձնակազմի հետ ձեր տարբերակների մասին: