Նկարագիր - Կրծքագեղձի քաղցկեղ

Կրծքագեղձի քաղցկեղը չարորակ նորագոյացություն է, որը ձևավորվում է կրծքագեղձի բջիջներում:

Մաշկի քաղցկեղից հետո կրծքագեղձի քաղցկեղը ԱՄՆ-ում կանանց մոտ ախտորոշված ամենատարածված քաղցկեղն է: Կրծքագեղձի քաղցկեղը կարող է առաջանալ և՛ տղամարդկանց, և՛ կանանց մոտ, սակայն այն շատ ավելի տարածված է կանանց մոտ:

Կրծքագեղձի քաղցկեղը կարող է ընթանալ մի շարք ախտանիշներով, սակայն հաճախ ի հայտ է գալիս որպես կրծքագեղձի ներսում կոշտուկի կամ պնդացած շրջանի առաջացում: Եթե նկատում եք այս նշանները, առանց ուշացնելու դիմեք բժշկին: Կրծքագեղձի քաղցկեղի կանխարգելման լավագույն տարբերակը առողջ ապրելակերպն է և կրծքագեղձերի պարբերաբար ստուգումը: Կրծքագեղձերի ստուգման լավագույն ժամանակաշրջանը դաշտանին հաջորդող օրերն են:

Կրծքագեղձի քաղցկեղի իրազեկման և գիտաբժշկական հետազոտության ֆինանսավորմանն ուղղված էական աջակցությունը նպաստել է քաղցկեղի այս տեսակի ախտորոշման և բուժման առաջընթացին: Կրծքագեղձի քաղցկեղի ապրելիության մակարդակն աճել է, և այս հիվանդության հետ կապված մահերի թիվը անշեղորեն նվազում է, որը հիմնականում պայմանավորված է այնպիսի գործոններով, ինչպիսիք են ավելի վաղ հայտնաբերումը, բուժման նոր անհատականացված մոտեցումը և հիվանդության ավելի լավ հասկանալը:

Տեսակները

• անգիոսարկոմա
• ծորանային կարցինոմա in situ
• կրծքագեղձի բորբոքային քաղցկեղ
• ինվազիվ բլթային կարցինոմա
• բլթային կարցինոմա in situ
• տղամարդկանց կրծքագեղձի քաղցկեղ
• կրծքագեղձի Պեջետի հիվանդություն
• կրծքագեղձի կրկնվող (ռեկուրենտ) քաղցկեղ: