Ախտանիշներ - Քթի կոտրվածք

Քթի կամ քթոսկրերի կոտրվածի գանգատներն ու ախտանիշները ներառում են հետևյալը՝

• ցավ կամ ցավոտություն, հատկապես ձեր քթին դիպչելիս
• ձեր քթի և հարակից շրջանների այտուցվածություն
• քթից արյունահոսություն
• արյունազեղումներ (կապտուկներ) ձեր քթի կամ աչքերի շուրջ
• ծռված կամ ձևախախտված քիթ
• քթով շնչելու դժվարություն կամ անհնարինություն
• քթից լորձային արտադրություն
• զգացողություն, որ ձեր քթային անցուղիներից մեկը կամ երկուսն էլ խցանված են:

Ե՞րբ դիմել բժշկին

Դիմեք անհետաձգելի բուժօգնության, եթե ունեք քթի վնասվածք, որն ուղեկցվում է հետևյալ վիճակներով՝

• գլխի կամ պարանոցի վնասվածք, որը կարող է դրսևորվել ուժեղ գլխացավով, պարանոցի ցավով, փսխումով կամ գիտակցության կորստով
• դժվարաշնչություն
• արյունահոսություն, որը չի հաջողվում կանգնեցնել
• ձեր քթի ձևի նկատելի փոփոխություն, որը կապված չէ այտուցի հետ, օրինակ՝ ծուռ կամ ոլորված տեսք
• քթից թափանցիկ, ջրիկ հեղուկ արտադրություն: