Բրոնխիտ. կանխարգելում

Բրոնխիտ. կանխարգելում

Բրոնխիտով հիվանդանալու ռիսկի նվազեցմանը կարող են օգնել որոշ պարզ միջոցառումներ:

  • Խուսափե՛ք ծխախոտի ծխից. ծխախոտի ծուխը բարձրացնում է քրոնիկ բրոնխիտի ռիսկը:
  • Ստացե՛ք պատվաստումներ. սուր բրոնխիտի բազմաթիվ դեպքեր պատճառվում են վիրուսներով, այդ թվում՝ գրիպի վիրուսով: Գրիպի վիրուսի դեմ պատվաստումը կարող է օգնել գրիպից, ուստի և՝ գրիպի վիրուսից զարգացող սուր բրոնխիտից պաշտպանվելուն: Որոշ իրավիճակներում բժիշկը նաև կարող է խորհուրդ տալ պատվաստվել թոքաբորբերի որոշ տեսակների դեմ:
  • Լվացե՛ք ձեր ձեռքերը. վիրուսային վարակների տարածումը կրճատելու համար հաճախակի լվացեք ձեր ձեռքերը կամ օգտագործեք ալկոհոլային հիմքով ախտահանիչներ:
  • Կրե՛ք բժշկական դիմակ. եթե ունեք թոքերի քրոնիկ օբստրուկտիվ հիվանդություն (ԹՕՔՀ), աշխատավայրում, բազմամարդ և հանրային վայրերում, ինչպես նաև ճանապարհորդելիս կարող եք օգտագործել պաշտպանիչ դիմակներ:
  • Բուժե՛ք ուղեկցող հիվանդությունները. կանխարգելման համար էական նշանակություն ունի քթաբորբի (ռինիտ), նշագեղձերի բորբոքման (տոնզիլիտ), քթի հավելյալ ծոցերի բորբոքումների (սինուսիտ) ժամանակին և ճիշտ բուժումը:
  • Կոփե՛ք ձեր մարմինը. մաքուր օդը, ջրային արարողությունները բարձրացնում են օրգանիզմի դիմադրողականությունը։ Բարերար ազդեցություն ունի նաև մաքուր օդում չափավոր մարզվելը:

Հոդվածը վերանայվել է՝ 04-04-2021