Ձեր ինքնազգացողությունը լավացնելու համար կարող եք փորձել հետևյալ տնային միջոցները:
- Շնչեք քթով. քթի խոռոչով անցնելիս օդը մաքրվում է փոշուց, ինչպես նաև տաքանում և խոնավանում է՝ դառնալով բրոնխների լորձաթաղանթի համար ավելի քիչ գրգռիչ:
- Խուսափեք թոքերի գրգռիչներից. մի՛ ծխեք և թույլ մի՛ տվեք, որ ձեր ներկայությամբ ծխեն: Դիմակ կրեք, երբ օդը աղտոտված է կամ ենթարկվում եք թոքերի գրգռիչների ազդեցությանը, ինչպիսիք են հեշտ ցնդող ներկերը կամ կենցաղային մաքրող միջոցները:
- Օգտագործեք խոնավացուցիչ. տաք խոնավ օդն օգնում է հազի մեղմացմանը և խորխի դուրս բերմանը: Հիշեք, որ անհրաժեշտ է մաքրել խոնավացուցիչն ըստ արտադրողի հրահանգների՝ ջրի տարայի մեջ բակտերիաների և սնկիկների աճից խուսափելու համար:
- Մտածեք դրսում դիմակ կրելու մասին. եթե սառը օդը սրում է ձեր հազը և առաջացնում հևոց, դուրս գալուց առաջ դրեք սառը օդից պաշտպանող դիմակ:
Հոդվածը հրապարակվել է՝ 04-04-2021
Վերջին վերանայում՝ 02-06-2024