Բուժում - Բրոնխիտ

Սուր բրոնխիտի դեպքերի մեծ մասը լավանում է առանց բուժման, սովորաբար՝ մի քանի շաբաթվա ընթացքում:

Դեղորայքային բուժում

Բրոնխիտի դեպքերի մեծ մասը պայմանավորված են վիրուսային վարակներով, ուստի հակաբիոտիկներն արդյունավետ չեն: Այնուամենայնիվ, եթե ձեր բժիշկը կասկածում է, որ ունեք բակտերիալ վարակ, կարող է նշանակել որևէ հակաբիոտիկ:

Որոշ դեպքերում բժիշկը կարող է առաջարկել այլ դեղամիջոցներ։

• Հազի դեմ դեղամիջոցներ. եթե հազը խանգարում է ձեր քունը, կարող եք անկողին մտնելուց առաջ փորձել հազն ընկճող դեղամիջոցներ:
• Այլ դեղամիջոցներ. եթե ունեք ալերգիա, ասթմա կամ թոքերի քրոնիկ օբստրուկտիվ հիվանդություն (ԹՕՔՀ), ձեր բժիշկը կարող է խորհուրդ տալ ինհալյատոր և այլ դեղամիջոցներ՝ բորբոքումը նվազեցնելու և թոքային նեղացած օդուղիները բացելու համար:

Ոչ դեղորայքային բուժումներ (թերապիաներ)

Եթե ունեք քրոնիկ բրոնխիտ, ձեզ կարող է որոշակի օգուտ տալ թոքերի ռեաբիլիտացիան՝ շնչառական վարժությունների ծրագիր, որի ժամանակ թոքաբանը (պուլմոնոլոգ) ձեզ սովորեցնում է, թե ինչպես կարելի է ավելի հեշտ շնչել և բարձրացնել ֆիզիկական վարժանքների տանելիությունը: