Հիվանդության առաջին մի քանի օրերին բրոնխիտի և ընդհանուր մրսածության (սուր շնչառական վիրուսային վարակ, ՍՇՎՎ) ախտանիշները դժվար է միմյանցից տարբերակել:
Ձեր գանգատները լսելուց հետո բժիշկն իրականացնում է ֆիզիկական քննություն (բուժզննում), այդ թվում՝ ստետոսկոպով ձեր թոքերի լսում:
Որոշ դեպքերում ձեր բժիշկը կարող է առաջարկել մի շարք հետազոտություններ:
- Կրծքավանդակի ռենտգեն. կրծքավանդակի ռենտգենը կարող է օգնել հազի պատճառը գտնելուն (թոքաբորբ և այլն): Ռենտգեն հետազոտության կարևորությունը բարձրանում է, եթե դուք ներկա կամ անցյալ ծխող եք: Այունամենայնիվ, բրոնխիտի սովորական դեպքերն ախտորոշելիս կրծքավանդակի ռենտգեն հետազոտություն չի նշանակվում:
- Խորխի հետազոտություն. խորխը հազալիս թոքերից դուրս բերվող լորձն է, որի մանրէաբանական հետազոտությունը կարող է օգնել որոշելուն, թե արդյոք առկա է հակաբիոտիկ պահանջող բակտերիալ վարակ: Խորխի հետազոտությունը նաև օգնում է հիվանդության ալերգիկ ծագումը գնահատելուն:
- Թոքերի գործունեության գնահատման թեստեր. սա ներառում է սպիրոմետրիան, որը չափում է, թե ինչ ծավալի օդ կարող են ձեր թոքերը պահել և արագորեն արտաշնչել: Սպիրոմետրիան ստուգում է ասթմայի կամ էմֆիզեմայի նշանները:
Հոդվածը հրապարակվել է՝ 04-04-2021
Վերջին վերանայում՝ 02-06-2024