Բրոնխիտը ձեր բրոնխիալ խողովակների լորձաթաղանթի բորբոքումն է, որոնք օդ են տեղափոխում դեպի թոքեր և հակառակ ուղղությամբ:
Բրոնխիտ ունեցող մարդիկ հաճախ հազում են թանձրացած լորձ (խորխ), որը կարող է փոփոխել գույնը: Բրոնխիտը կարող է ունենալ սուր կամ քրոնիկ ընթացք:
Հաճախ զարգանալով մրսածության (սուր շնչառական վիրուսային վարակ, ՍՇՎՎ) կամ շնչառական այլ վարակների պատճառով՝ սուր բրոնխիտը շատ տարածված է: Քրոնիկ բրոնխիտը, որն ավելի լուրջ հիվանդություն է, բրոնխիալ խողովակների լորձաթաղանթի մշտական գրգռումն է կամ բորբոքումը, որը հաճախ ծխելու հետևանք է:
Սուր բրոնխիտը, որը նաև կոչվում է «կրծքավանդակի մրսածություն», սովորաբար բարելավվում է մեկ շաբաթից մինչև 10 օրվա ընթացքում՝ առանց երկարատև հետևանքների, թեև հազը կարող է շարունակվել շաբաթներ:
Այնուամենայնիվ, եթե առնչվում եք բրոնխիտի կրկնվող սրացումների հետ, կարող եք ունենալ քրոնիկ բրոնխիտ, որը պահանջում է բժշկական ուշադրություն: Քրոնիկ բրոնխիտը թոքերի քրոնիկ օբստրուկտիվ հիվանդության (ԹՕՔՀ) մեջ ներառված հիվանդություններից մեկն է:
Իմացե՛ք ավելին թոքերի քրոնիկ օբստրուկտիվ հիվանդության մասին:
Հոդվածը հրապարակվել է՝ 12-04-2018
Վերջին վերանայում՝ 01-06-2024