Գրադարան
Բրուցելոզ. կանխարգելում

1 րոպե
Բրուցելոզով հիվանդանալու վտանգը նվազեցնելու համար հետևեք այս նախազգուշական միջոցներին:
- Խուսափեք չպաստերիզացված կաթնամթերքից. բրուցելոզի դեպքերը կարող են կապված լինել ընտանի կենդանիների հում կաթնամթերքի օգտագործման հետ: Ուստի, ավելի լավ է խուսափել չպաստերիզացված կաթից, պանիրից և պաղպաղակից՝ անկախ դրանց ծագումից: Եթե ճանապարհորդում եք այլ երկրներ, խուսափեք բոլոր տեսակի հում կաթնամթերքից:
- Լավ եփեք միսը. եփեք մսի ամբողջ կտորը, մինչև այն հասնի 63° C ներքին ջերմաստիճանի և թողեք մի քանի րոպե: Աղացած միսը եփեք մինչև 71° C: Եփեք բոլոր տեսակի թռչնամիսը, ներառյալ աղացած թռչնամիսը, մինչև 74° C: Ճանապարհորդելիս խուսափեք թերեփած միսից կամ տեղում կիսահում միս համտեսելուց: Ռեստորանում, պատվիրեք առնվազն չափավոր ջերմային մշակում անցած տավարի կամ խոզի միս:
- Հագեք ձեռնոցներ. եթե դուք անասնաբույժ, ֆերմեր եք, որսորդ կամ սպանդանոցի աշխատող եք, կրեք ռետինե ձեռնոցներ հիվանդ կամ սատկած կենդանիների կամ կենդանական հյուսվածքի հետ շփվելիս կամ երբ օգնում եք ծննդաբերել կենդանուն:
- Պահպանեք անվտանգության նախազգուշական միջոցներ բարձր ռիսկային աշխատավայրերում. եթե դուք աշխատում եք լաբորատորիայում, բոլոր նմուշները պահեք համապատասխան կենսաանվտանգության պայմաններում: Սպանդանոցները նույնպես պետք է հետևեն պաշտպանիչ միջոցառումներին, ինչպիսիք են սպանման հատակի առանձնացումը մշակման այլ տարածքներից և պաշտպանիչ հագուստի օգտագործումը:
- Պատվաստեք ընտանի կենդանիներին. Միացյալ Նահանգներում և այլ զարգացած երկրներում պատվաստումների ագրեսիվ ծրագիրը գրեթե վերացրել է բրուցելոզը անասնահոտերում: Քանի որ բրուցելոզի դեմ պատվաստանյութը կենդանի է, այն կարող է մարդկանց մոտ հիվանդություն առաջացնել: Յուրաքանչյուր ոք, ով պատահաբար ասեղի ծակող է ստացել կենդանուն պատվաստելիս, պետք է բուժվի:
Հոդվածը տեղադրվել է՝ 10-04-2020 վերանայվել է՝ 27-07-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը: