Ախտանիշներ - Բրուցելոզ

Բրուցելոզի ախտանիշները կարող են դրսևորվել ցանկացած ժամանակ՝ սկսած վարակվելուց մի քանի օրից մինչև մի քանի ամիս հետո:

Գանգատներն ու ախտանիշները նման են գրիպի նշաններին և ներառում են՝

• ջերմություն
• դող և սարսուռ
• ախորժակի բացակայություն
• քրտնարտադրություն
• թուլություն
• հոգնածություն
• հոդերի, մկանների և մեջքի ցավեր
• գլխացավ:

Բրուցելոզի ախտանիշները կարող են անհետանալ շաբաթներով կամ ամիսներով, այնուհետև կրկին հայտնվել: Որոշ մարդիկ ունեն քրոնիկ բրուցելոզ և ախտանշաններ են ունենում տարիներ շարունակ, նույնիսկ բուժումից հետո: Երկարաժամկետ նշաններն ու ախտանիշները կարող են ներառել՝

• հոգնածություն
• կրկնվող ջերմության բարձրացումներ
• սրտի խոռոչների ներքին լորձաթաղանթի բորբոքում (էնդոկարդիտ)
• հոդերի բորբոքում (արթրիտ)
• ողնաշարի ոսկորների արթրիտ (սպոնդիլիտ)
• հոդերի արթրիտ, որտեղ ողնաշարը և կոնքը միանում են միմյանց (սակրոիլիիտ):

Ե՞րբ դիմել բժշկին

Բրուցելոզը կարող է դժվար լինել հայտնաբերել, հատկապես վաղ փուլերում, երբ հաճախ նման է այլ վիճակներին, օրինակ՝ գրիպին: Այցելեք ձեր բժշկին, եթե ձեզ մոտ առաջանում է արագ աճող ջերմություն, մկանային ցավեր կամ անսովոր թուլություն և ունեք հիվանդության ռիսկի որևէ գործոն, կամ եթե ունեք մշտական ջերմություն: