Գրադարան

Կարպալ թունելի համախտանիշ․ կանխարգելում

Կարպալ թունելի համախտանիշ․ կանխարգելում

Time Read 1 րոպե

Կարպալ թունելի համախտանիշը հստակ կանխող ապացուցված մեթոդներ չկան, սակայն դուք կարող եք հետևյալ մեթոդների օգնությամբ նվազագույնի հասցնել ձեր դաստակների և ձեռքերի լարվածությունը (սթրեսը):

  • Նվազեցրեք ուժի գործադրումը և թուլացրեք բռնելը. եթե ձեր աշխատանքը կապված է ՀԴՄ սարքի կամ ստեղնաշարի հետ, սեղմեք ստեղներն ավելի թույլ: Ձեռքով երկարատև գրելու համար օգտագործեք մեծ չափի գրիչ՝ փափուկ բռնակով և ազատ հոսացող թանաքով:
  • Հաճախակի կարճատև ընդմիջեք ձեր դաստակը ծանրաբեռնող գործերը․ պարբերաբար թեթև ծալեք ու տարածեք ձեր մատներն ու դաստակները: Հնարավորության դեպքում հաջորդաբար փոփոխեք ձեր գործերը: Սա հատկապես կարևոր է, եթե օգտագործում եք սարքավորում, որը թրթռում է կամ պահանջում է ձեռքի մեծ ուժի գործադրում: Նույնիսկ յուրաքանչյուր ժամը մեկ մի քանի րոպե հանգստանալը կարող է օգտակար լինել:
  • Հետևեք ձեր աշխատաոճին․ խուսափեք ձեր դաստակը մինչև վերջ վեր կամ վար թեքելուց: Թուլացած միջին դիրքը լավագույնն է: Ստեղնաշարը պահեք արմունկի բարձրության վրա կամ մի փոքր ավելի ցածր:
  • Բարելավեք ձեր կեցվածքը․ սխալ կեցվածքը ուսերը բերում է առաջ՝ կրճատելով պարանոցի և ուսագոտու մկանները և սեղմելով պարանոցի նյարդերը: Սա կարող է ազդել դաստակների, մատների և ձեռքերի վրա և կարող է առաջացնել պարանոցային հոգնածություն կամ ցավ:
  • Փոխեք ձեր համակարգչի մկնիկը․ համոզվեք, որ ձեր համակարգչի մկնիկը հարմար է և աշխատելիս չի գերլարում ձեր դաստակը:
  • Տաք պահեք ձեր ձեռքերը․ դաստակային ցավի և կարկամության հավանականությունը մեծ է, եթե աշխատում եք ցուրտ պայմաններում: Եթե աշխատավայրում չեք կարողանում վերահսկել ջերմաստիճանը, հագեք առանց մատների ձեռնոցներ, որոնք տաք են պահում ձեր դաստակները:

Հոդվածը տեղադրվել է՝ 14-01-2024 վերանայվել է՝ 14-01-2024

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով