Արգանդի վզիկի քաղցկեղի ռիսկը նվազեցնելու համար արեք հետևյալ միջոցառումները:
- Հարցրեք ձեր բժշկին մարդու պապիլոմավիրուսի (ՄՊՎ, HPV) պատվաստանյութի մասին. ՄՊՎ վարակի կանխարգելման համար պատվաստում ստանալը կարող է նվազեցնել արգանդի վզիկի քաղցկեղի և ՄՊՎ-ի հետ կապված այլ քաղցկեղի ռիսկը: Հարցրեք ձեր բժշկին, թե արդյոք ՄՊՎ-ի դեմ պատվաստումը կարող է օգնել ձեզ:
- Անցեք սովորական ՊԱՊ թեստ. ՊԱՊ թեստը կարող է հայտնաբերել արգանդի վզիկի նախաքաղցկեղային վիճակները, որոնք կարող են վերահսկվել կամ բուժվել՝ արգանդի վզիկի քաղցկեղը կանխելու համար: Բժշկական կազմակերպությունների մեծ մասը առաջարկում է սովորական ՊԱՊ թեստեր սկսել 21 տարեկանից և կրկնել դրանք մի քանի տարին մեկ: Եթե ՊԱՊ թեստով ստացվում է «դրական» (շեղված) պատասխան, այս թեստը կարելի է կրկնել ավելի հաճախակի։
- Սեռական հարաբերությունները դարձրեք անվտանգ. նվազեցրեք արգանդի վզիկի քաղցկեղի ռիսկը՝ միջոցներ ձեռնարկելով կանխարգելելու սեռական ճանապարհով փոխանցվող վարակները, ինչպիսիք են ամեն անգամ սեռական հարաբերություն ունենալիս պահպանակ օգտագործելը և ձեր սեռական զուգընկերների թիվը սահմանափակելը:
- Մի՛ ծխեք. եթե չեք ծխում, մի՛ սկսեք։ Եթե ծխում եք, զրուցեք ձեր բժշկի հետ ծխելը թողնելու մեթոդների մասին:
Հոդվածը հրապարակվել է՝ 30-06-2018
Վերջին վերանայում՝ 23-04-2024