Գրադարան

Ջրծաղիկ. պատճառներ

Ջրծաղիկ. պատճառներ

Time Read 1 րոպե

Ջրծաղիկային վարակը հարուցվում է վիրուսով, որը կոչվում է Varicella-zoster:

Վարակի աղբյուրը հիվանդ մարդն է։ Ջրծաղիկի վիրուսը կարող է տարածվել ցանավորման հետ ուղղակի շփմամբ: Այն նաև կարող է տարածվել, երբ ջրծաղիկով հիվանդը հազում կամ փռշտում է, և դուք ներշնչում եք վարակված օդի կաթիլները (օդակաթիլային տարածում): Ջրծաղիկով հիվանդը ենթակա է մեկուսացման մինչև մաշկային ցանի կեղևների վերջնական անջատվելը, որը լինում է միջին հաշվով ցանավորման 9-րդ օրը։

Վարակումը երրորդ անձի, խնամքի առարկաների, խաղալիքների միջոցով գործնականում բացառվում է։

Հիվանդանալուց հետո զարգանում է կայուն իմունիտետ։

Ռիսկի գործոններ

Varicella-zoster վիրուսով վարակվելու ռիսկը բարձրանում է, եթե երբևէ չեք հիվանդացել ջրծաղիկով կամ երբևէ չեք ստացել ջրծաղիկի դեմ պատվաստանյութ: Ուստի, պատվաստումն առանձնահատուկ կարևոր է այն մարդկանց համար, ովքեր աշխատում են մսուր մանկապարտեզներում, երեխաների խնամքի կենտրոններում կամ դպրոցներում:

Նախկինում ջրծաղիկով վարակված կամ պատվաստված մարդկանց մեծ մասն ունի վարակի նկատմամբ կայուն իմունիտետ, սակայն քիչ թվով մարդիկ կարող են հազվադեպ կրկնակի վարակվել: Եթե պատվաստված եք և վարակվել եք ջրծաղիկով, ախտանիշները հաճախ ավելի թեթև են, ցանավորումը՝ ավելի թույլ և կարճատև, իսկ ջերմությունը՝ աննշան կամ բացակայում է:

Հոդվածը տեղադրվել է՝ 18-06-2021 վերանայվել է՝ 28-03-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով