Գրադարան

Ջրծաղիկ. կանխարգելում

Ջրծաղիկ. կանխարգելում

Time Read 2 րոպե

Ջրծաղիկի (վարիցելլա) պատվաստանյութն այս վարակը կանխարգելելու լավագույն ուղին է:

Ըստ հավաստի տվյալների ջրծաղիկի դեմ պատվաստումն ապահովում է վարակից լիարժեք պաշտպանություն երկու դեղաչափերը ստացած մարդկանց մոտ 98%-ի շրջանում: Հակառակ դեպքում, երբ լիարժեք իմունիտետ չի զարգանում, պատվաստումը թույլ է տալիս զգալիորեն նվազեցնել ցանավորումը և թեթևացնել հիվանդության ընթացքը:

Ջրծաղիկի դեմ պատվաստանյութը (Վարիվաքս) խորհուրդ է տրվում հետևյալ խմբերին՝

  • մանհակասակ երեխաներ. առաջին դեղաչափը ներակվում է 12-15 ամսականում և երկրորդը՝ 4-6 տարեկանում, ընդ որում, ջրծաղիկի պատվաստանյութը կարելի է զուգակցել կարմրուկի, քութեշի և կարմրախտի պատվաստանյութերի հետ
  • ավելի մեծ տարիքի չպատվաստված երեխաներ. 7-12 տարեկան չպատվաստված երեխաներին խորհուրդ է տրվում երկու դեղաչափերը ներարկել 3 ամսյա ընդմիջումով, իսկ 13 տարեկանից հետո՝ երկու դեղաչափերը 4 ամսյա ընդմիջումով
  • չպատվաստված չափահասներ, ովքեր երբեք չեն հիվանդացել ջրծաղիկով և բարձր ռիսկի խմբում են. այս խումբը ներառում է՝ բուժաշխատողներ, ուսուցիչներ, մսուր-մանկապարտեզի աշխատողներ, բանակ զորակոչվածներ, վերարտադրողական տարիքի կանայք և այլ մարդիկ, որոնց խորհուրդ է տրվում երկու դեղաչափերը առնվազն 4 շաբաթյա ընդմիջումով:

Եթե չեք հիշում կամ չգիտեք, թե արդյոք ստացել եք պատվաստանյութ, բժիշկը կարող է նշանակել արյան թեստ, որ որոշի ջրծաղիկի դեմ իմունիտետի առկայությունը կամ բացակայությունը:

Ջրծաղիկի պատվաստանյութը չի հաստատվել հետևյալ խմբերի համար՝

  • հղի կանայք
  • թուլացած իմունային համակարգով մարդիկ, օրինակ՝ ՄԻԱՎ վարակվածներ կամ իմունային համակարգն ընկճող դեղամիջոցներ ստացողներ
  • ժելատինի կամ Նեոմիցին հակաբիոտիկի նկատմամբ ալերգիկ մարդիկ:

Զրուցեք բժշկի հետ, եթե համոզված չեք, որ ունեք ջրծաղիկի դեմ պատվաստման կարիք: Եթե պատրաստվում եք հղիանալ, խորհրդակցեք բժշկի հետ, եթե պատվաստումների հետ կապված անձնական տվյալների վերաբերյալ վստահ չեք:

Արդյոք պատվաստումն անվտանգ և արդյունավետ է

Ծնողները սովորաբար մտածում են՝ արդյոք պատվաստանյութերն անվտանգ են: Երբ ջրծաղիկի դեմ պատվաստանյութը հասանելի է դարձել, հետազոտությունները շարունակվել են մինչ օրս և մշտապես պարզել են, որ այն անվտանգ և արդյունավետ է: Կողմնակի ազդեցությունները սովորաբար մեղմ են և ներառում են կարմրություն, ցավ, այտուց և հազվադեպ՝ փոքրիկ այտուցներ պատվաստանյութի ներարկման տեղում:

Ոչ սպեցիֆիկ կանխարգելում

Ջրծաղիկը խիստ վարակիչ է, ուստի ջրծաղիկով հիվանդը ենթակա է մեկուսացման մինչև մաշկային ցանի կեղևների վերջնական մաքրվելը, որը լինում է միջին հաշվով ցանավորման 9-րդ օրը։ Մինչև 7 տարեկան կոնտակտավորների նկատմամբ սահմանվում է 21 օրյա կարանտին։

Հոդվածը տեղադրվել է՝ 18-06-2021 վերանայվել է՝ 28-03-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով