Նկարագիր - Քրոնիկ հազ

Քրոնիկ է կոչվում այն հազը, որը տևում է ութ շաբաթ կամ ավելի մեծահասակների մոտ, կամ չորս շաբաթ երեխաների մոտ:

Քրոնիկ հազն ավելին է, քան պարզապես հոգնացուցիչ լինելը: Այն կարող է ընդհատել ձեր քունը և առաջացնել ուժասպառության զգացում: Քրոնիկ հազի ծանր դեպքերը կարող են առաջացնել փսխում, գլխապտույտ և նույնիսկ կողերի կոտրվածքներ:

Քրոնիկ հազը նաև բուժկենտրոն այցելելու ամենահաճախ հանդիպող պատճառներից մեկն է: Իրականում դա առանձին հիվանդություն չէ, այլ առողջական խնդիր, որը զարգանում է այլ հիվանդությունների կամ վիճակների պատճառով:

Թեև երբեմն դժվար է մատնանշել քրոնիկ հազին առաջացման խնդիրը, սակայն ամենատարածված պատճառներն են ծխախոտի օգտագործումը, հետքթային հոսքը, ասթման և թթվային ռեֆլյուքսը: Բարեբախտաբար, քրոնիկ հազը սովորաբար անհետանում է հիմնական խնդիրը բուժելուց հետո: