Մշտական հազը կարող է լինել քրոնիկ հազի միակ ախտանիշը:
Այնուամենայնիվ, քրոնիկ հազը կարող է ուղեկցվել այլ գանգատներով և ախտանիշներով, օրինակ՝
- հարբուխ (հոսող քիթ) կամ քթի փակվածություն
- կոկորդի հետևի մասով հոսացող հեղուկի զգացողություն (հետքթային հոսք)
- հաճախակի կոկորդի մաքրում և կոկորդի ցավ
- ձայնի խռպոտություն
- շնչառական խզզոցներ (սուլոցներ) և հևոց
- այրոցք (изжога) կամ բերանում թթու համ
- հազվադեպ՝ հազալիս արյուն (արյունախխում) կամ արյան հետքեր:
Ե՞րբ դիմել բժշկին
Պայմանավորվեք և այցելեք ձեր բժշկին, եթե ունեք հազ, որը տևում է շաբաթներ, հատկապես այնպիսի հազ, որն ուղեկցվում է խորխով կամ արյունային խորխով, խանգարում է ձեր քունը կամ ազդում ուսման կամ աշխատանքի վրա:
Հոդվածը հրապարակվել է՝ 12-05-2021
Վերջին վերանայում՝ 23-04-2024