Գրադարան

Քրոնիկ քթահոսություն. ախտորոշում

Քրոնիկ քթահոսություն. ախտորոշում

Time Read 1 րոպե

Քրոնիկ քթահոսության կամ հարբուխի ախտորոշումն ավելի շուտ ուղղված է ոչ թե տվյալ վիճակի, այլ դրան հանգեցնող պատճառի հայտնաբերմանը:

Երբ քթահոսությունը մշտական է, ձեր երեխայի բժիշկը կարող է խնդրել, որ երեխային ցույց տաք ալերգիաներով զբաղվող մասնագետին (ալերգոլոգ): Այլ դեպքերում կամ հատուկ իրավիճակներում ձեր երեխային նաև կարող է անհրաժեշտ լինել քիթ-կոկորդ-ականջաբանի (оտոլարինգոլոգ) խորհրդատվություն:

Մասնագետը կծանոթանա ձեր կամ ձեր երեխայի գանգատներին, հարցեր կտա հիվանդության և ընտանեկան պատմության (անամնեզ) մասին և կզննի ձեր կամ երեխայի քթի խոռոչը: Քթի խոռոչի ավելի մանրակրկիտ դիտման համար կարող է օգտագործվել սպեկուլում, իսկ որոշ դեպքերում, երբ անհրաժեշտ է ստուգել քթի խոռոչի խորքային շրջանները՝ ազատ ծայրին տեսախցիկ և լույսի աղբյուր ունեցող ճկուն օպտիկամանրաթելային խողովակ, որը կոչվում է ռինոսկոպ: Այս հետազոտությունը սովորաբար իրականացվում է տեղային անզգայացմամբ:

Ելնելով իրավիճակից, ձեր կամ երեխայի բժիշկը նաև կարող է առաջարկել՝

  • քթային արտադրության նմուշի մանրէաբանական հետազոտություն և հայտնաբերված բակտերիայի նկատմամբ հակաբիոտիկային զգայունության թեստ, եթե կասկածում է բակտերիաներով հարուցված վարակի առկայություն
  • դիմային ոսկորների ռենտգեն հետազոտություն կամ համակարգչային տոմոգրաֆիա (ԿՏ)
  • մաշկային ալերգիկ թեստեր՝ ստուգելու ալերգիկ ռինիտի կամ ընդհանուր ալերգիկ վիճակի առկայությունը
  • արյան թեստեր:

Հոդվածը տեղադրվել է՝ 08-12-2023 վերանայվել է՝ 08-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով