Հիվանդությունների և վիճակների լայն շրջանակ կարող է վնասել լյարդը և հանգեցնել ցիռոզի:
Որոշ պատճառներ ներառում են՝
- ալկոհոլի երկարաժամկետ չարաշահում
- ընթացիկ վիրուսային հեպատիտներ (հեպատիտ B, C և D)
- ոչ ալկոհոլային ճարպային լյարդային հիվանդություն՝ վիճակ, երբ ճարպը կուտակվում է լյարդում
- հեմոքրոմատոզ՝ վիճակ, որն առաջացնում է օրգանիզմում երկաթի կուտակում
- աուտոիմուն հեպատիտ՝ լյարդային հիվանդություն, որն առաջանում է իմունային համակարգի խանգարման պատճառով
- լեղուղիների քայքայում (դեստրուկցիա)՝ առաջացած առաջնային լեղային խոլանգիտի պատճառով
- լեղուղիների կարծրացում և սպիացում՝ առաջացած առաջնային սկլերոզացնող խոլանգիտի պատճառով
- Վիլսոնի հիվանդություն՝ վիճակ, որի դեպքում պղինձը կուտակվում է լյարդում
- կիստոզ ֆիբրոզ (մուկովիսցեդոզ)
- ալֆա-1 անտիտրիպսինի անբավարարություն
- վատ ձևավորված լեղուղիներ՝ վիճակ, որը հայտնի է որպես լեղուղիների ատրեզիա
- շաքարի նյութափոխանակության ժառանգական խանգարումներ, ինչպիսիք են գալակտոզեմիան կամ գլիկոգենի պահուստավորման հիվանդությունը
- Ալագիլի համախտանիշ՝ մարսողության գենետիկ խանգարում
- վարակներ, ինչպիսիք են սիֆիլիսը կամ բրուցելոզը
- դեղամիջոցներ, ներառյալ Մետոտրեքսատը կամ Իզոնիազիդը:
Ռիսկի գործոններ
- Չափից շատ ալկոհոլ խմելը. ալկոհոլի չափից ավելի օգտագործումը ցիռոզի ռիսկի գործոն է:
- Ավելորդ քաշ. գեր լինելը մեծացնում է այնպիսի վիճակների ռիսկը, որոնք կարող են հանգեցնել ցիռոզի, ինչպիսիք են ոչ ալկոհոլային ճարպային լյարդի հիվանդությունը և ոչ ալկոհոլային ստեատոհեպատիտը:
- Վիրուսային հեպատիտ ունենալը. քրոնիկ հեպատիտով ոչ բոլորի մոտ է զարգանում ցիռոզ, սակայն այն աշխարհում լյարդային հիվանդության առաջատար պատճառներից մեկն է:
Հոդվածը հրապարակվել է՝ 19-05-2021
Վերջին վերանայում՝ 23-04-2024