Ախտանիշներ - Մանկական փորկապություն

Երեխաների մոտ փորկապության գանգատներն ու ախտանիշները կարող են ներառել հետևյալը՝

• շաբաթական երեքից պակաս կղազատումներ (դեֆեկացիաներ)
• կոշտ են, չոր և դժվար դատարկվող (նիքերով ուղեկցվող) կղանք
• կղազատմանն ուղեկցող ցավ կամ տհաճ զգացողություն
• սկսվող և անցնող ստամոքսի ցավեր
• ոչ լիարժեք կղազատման զգացում
• երեխայի ներքնազգեստում հեղուկ կամ մածուցիկ կղանքի հետքեր՝ նշան, որ կղանքը կուտակված է նրա ուղիղ աղիքում
• կոշտ կղանքի մակերեսին արյուն կամ արյան հետքեր:

Եթե երեխան վախենում է, որ կղազատումը ցավ կպատճառի, կարող է փորձել խուսափել դրանից: Դուք կարող եք նկատել, թե ինչպես է ձեր երեխան խաչում իր ոտքերը, սեղմում է հետույքը, ոլորում մարմինը կամ դեմքը ծամածռել, երբ փորձում է խուսափել կղազատման պահանջից:

Ե՞րբ դիմել բժշկին

Երեխաների մոտ փորկապությունը սովորաբար լուրջ բնույթ կամ հետևանքներ չունի: Այնուամենայնիվ, քրոնիկ փորկապությունը կարող է հանգեցնել բարդությունների կամ հուշել հիմքում ընկած որևէ հիվանդության մասին: Ձեր երեխային տարեք բժշկի, եթե նրա փորկապությունը տևում է ավելի քան երկու շաբաթ կամ ուղեկցվում է հետևյալ նշաններով՝

• ջերմություն
• սննդից հրաժարում
• կղանքում արյուն
• որովայնի փքվածություն
• քաշի կորուստ
• կղելիս ցավեր
• հետանցքից աղիքի մի մասի արտանկում (ուղիղաղիքային կամ ռեկտալ պրոլափս):