Skip to main content

Կանխարգելում - Կոնտակտային դերմատիտ

Կոնտակտային դերմատիտից խուսափելու համար կարող եք ձեռնարկել հետևյալ քայլերը:

  • Խուսափեք գրգռիչներից և ալերգեններից. փորձեք բացահայտել և խուսափել ձեր ցանի պատճառից: Ականջի և մարմնի պիրսինգի համար օգտագործեք հիպոալերգիկ նյութից պատրաստված զարդեր, ինչպիսիք են վիրաբուժական պողպատը կամ ոսկին:
  • Լվացեք ձեր մաշկը. թունավոր բույսերին դիպչելուց հետո կարող եք հեռացնել ցան առաջացնող նյութի մեծ մասը, եթե շփվելուց հետո անմիջապես լվաք ձեր տվյալ շրջանի մաշկը: Օգտագործեք թույլ, ոչ հոտավետ օճառ և գոլ ջուր: Վերջում լավ պարզաջրեք ձեր մաշկը: Լվացեք նաև ցանկացած հագուստ կամ այլ իրեր, որոնք կարող էին դիպչել բույսերի ալերգենի հետ:
  • Հագեք պաշտպանիչ հագուստ կամ ձեռնոցներ. պաշտպանիչ դիմակները, ակնոցները, ձեռնոցները և այլ պարագաները կարող են պաշտպանել ձեզ գրգռիչ նյութերից, այդ թվում՝ կենցաղային լվացող միջոցներից:
  • Օգտագործեք պատնեշային նրբաքսուք կամ գել. այս միջոցները կարող են պաշտպանիչ շերտ ստեղծել ձեր մաշկի համար։ Օրինակ, Բենտոքվատամ (Ivy Block) պարունակող մաշկային նրբաքսուքը կարող է կանխել կամ նվազեցնել ձեր մաշկային ռեակցիան թունավոր կամ գրգռիչ բույսերին դիպչելիս:
  • Օգտագործեք խոնավացնող միջոց. պարբերաբար խոնավացնող լոսյոնների կիրառումը կարող է օգնել վերականգնելու ձեր մաշկի ամենաարտաքին շերտը և պահպանել ձեր մաշկի առաձգականությունը:
  • Զգույշ եղեք տնային կենդանիների ալերգեններից. բույսերի ալերգենները կարող են կպչել տնային կենդանիների մորթուն կամ կաշվին, այնուհետև տարածվել մարդկանց վրա: Լողացրեք ձեր տնային կենդանուն, եթե կարծում եք, որ նա շփվել է թունավոր բույսերի հետ:

Հոդվածը հրապարակվել է՝ 03-03-2023
Վերջին վերանայում՝ 05-04-2024