Գրադարան
Կոնտակտային դերմատիտ. ախտանիշներ
2 րոպե
Կոնտակտային մաշկաբորբը հայտնվում է մաշկի վրա, որն անմիջականորեն ենթարկվել է ռեակցիա առաջացնող նյութին:
Օրինակ, ցանը կարող է հայտնվել ոտքի երկայնքով, որը քերծվել է թունավոր բաղեղից: Ցանը կարող է զարգանալ ազդեցությունից հետո մի քանի րոպեից մինչև մի քանի ժամվա ընթացքում և կարող է տևել 2-ից 4 շաբաթ:
Կոնտակտային դերմատիտի գանգատներն ու ախտանիշները շատ տարբեր են և կարող են ներառել հետևյալը՝
- քոր առաջացնող ցան
- կաշվենման բծեր, որոնք սովորականից ավելի մուգ են (հիպերպիգմենտացված), և սովորաբար հանդիպում են շագանակագույն կամ սև մաշկի վրա
- չոր, ճաքճքված և թեփուկավորված մաշկ, սովորաբար՝ սպիտակ մաշկի վրա
- հանգուկցիկներ և բշտիկներ, երբեմն՝ թաց («լացող») և կեղևավորմամբ
- այտուց, այրոցի զգացողություն կամ ցավոտություն:
Ե՞րբ դիմել բժշկին
Այցելեք ձեր բժշկին, եթե՝
- ցանն այնքան ուժեղ քոր առաջացնող է, որ չեք կարող քնել կամ շարունակել ձեր օրը
- ցանը ծանր աստիճանի կամ տարածված է
- դուք անհանգստանում եք, թե ինչպիսի տեսք ունի ձեր ցանը
- ցանը երեք շաբաթվա ընթացքում չի լավանում
- ցանը տարածվել է աչքերի, բերանի, դեմքի կամ սեռական օրգանների վրա:
Անհապաղ դիմեք բժշկական օգնության հետևյալ իրավիճակներում՝
- դուք կարծում եք, որ ձեր մաշկը վարակված է, օրինակ, ունեք ջերմություն և բշտիկներից թարախի արտահոսք
- ունեք սուր ալերգիկ ռեակցիայի ախտանիշներ, օրինակ՝ խիստ տարածուն ցանավորում, շնչարգելություն ու հևոց, ինքնազգացողության կտրուկ վատթարացում և գիտակցությունը կորցնելու զգացում:
Հոդվածը տեղադրվել է՝ 03-03-2023 վերանայվել է՝ 04-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
