Կոնտակտային դերմատիտ. ինքնօգնություն

Կոնտակտային դերմատիտ. ինքնօգնություն

Մի շարք կանոնների պահպանումը կարող է օգնել, որ կոնտակտային դեմատիտի բուժումը դառնա արդյունավետ:​​

Ծանոթացեք նաև այս հոդվածի հետ ուղղակիորեն կապված այլ նյութերի հետ:

  • Փորձեք գտնել և հեռու մնալ արտաքին այն գործոններից, որոնք գրգռում և բորբոքում են ձեր մաշկը: Դրանք կարող են լինել ձեր մաշկի հետ շփվող ցանկացած առարկա կամ նյութ՝ կոսմետիկ միջոցներ, լոսյոններ կամ օծանելիքներ, արդուզարդի առարկաներ, հոտավետ օճառներ կամ որոշ նյութերից գործված ներքնաշորեր կամ հագուստ:
  • Պահեք ձեր տունը հնարավոր գրգռիչ նյութերից մաքուր: Մաքրեք և փոշեծծեք տան բոլոր գորգերն ու կարպետները, փոշու կուտակման բոլոր անկյունները և, ընդհանուր առմամբ, բնակարանը պահեք մաքուր:
  • Եթե դերմատիտն առաջացնող գործոնների բացառումն անհնար է, ուրեմն հոգ տարեք, որ դրանք հնարավորինս չշփվեն ձեր մաշկի հետ: Տարբեր միջոցներով նվազեցրեք դրանց հպումը ձեր մաշկին (օրինակ՝ սպասք լվանալիս օգտվեք հիպոալերգիկ պաշտպանիչ ձեռնոցներից):
  • Եթե ենթադրյալ կամ հաստատված գրգռիչ նյութը կապ ունի ձեր աշխատավայրի հետ, զրուցեք այդ մասին ձեր գործատուի հետ:
  • Մի թողեք, որ ձեր մաշկը չափից դուրս չորանա: Փորձեք օգտագործել մաշկը խոնավացնող միջոցներ:
  • Փորձեք բացառել խիստ տաք կամ ցուրտ, խոնավ միջավայրերում մնալը և խուսափեք շրջակա ջերմաստիճանի կտրուկ տատանումներից:
  • Աշխատեք չքորել և չվնասել ախտահարված մաշկը: Դիմեք ձեր բժշկին, որ նա խորհուրդ տա մաշկային քորը մեղմացնող որևէ միջոց:

Հոդվածը վերանայվել է՝ 02-02-2021