Գրադարան
Կոնտակտային դերմատիտ (մաշկաբորբ)
1 րոպե
Կոնտակտային դերմատիտը քոր առաջացնող ցան է, որն առաջանում է որևէ նյութի հետ անմիջական շփման կամ դրա նկատմամբ ալերգիկ ռեակցիայի հետևանքով:
Ցանը վարակիչ չէ, բայց մաշկի գրգռումը և բորբոքումը (այլ կերպ կոչվում է բորբոքային ռեակցիա) կարող է մեծ անհարմարություն պատճառել:
Բազմաթիվ նյութեր կարող են առաջացնել այս ռեակցիան, ինչպիսիք են կոսմետիկան, բուրմունքները, զարդերը և բույսերը: Ցանը հաճախ ի հայտ է գալիս գրգռիչ նյութի ազդեցությունից հետ մի քանի օրվա ընթացքում:
Կոնտակտային դերմատիտը հաջողությամբ բուժելու համար դուք պետք է բացահայտեք ձեր ռեակցիայի պատճառը և ամեն կերպ խուսափեք դրանից: Եթե ձեզ հաջողվում է խուսափել ռեակցիա առաջացնող նյութից, ցանը հաճախ վերանում է 2-4 շաբաթվա ընթացքում: Դուք կարող եք նաև փորձել հանգստացնել ձեր մաշկը սառը, խոնավ շորով և ինքնօգնության այլ քայլերով:
Կոնտակտային դերմատիտի տեսակները
Տարբերում են կոնտակտային (շփման) դերմատիտի երկու հիմնական տեսակներ:
- Ալերգիկ կոնտակտային դերմատիտը զարգանում է, երբ ձեր մաշկը շփվում է ալերգիա առաջացնող գործոնի՝ ալերգենի հետ և վերջինս առաջացնում է մաշկի բորբոքում ամեն անգամ, երբ տեղի է ունենում նման շփումը: Ալերգիկ կոնտակտային դերմատիտի հաճախ հանդիպող պատճառներից են՝ նիկել, բույսեր, քիմիական նյութեր, քսուքներ և յուղեր:
- Իռիտանտային (գրգռային) կոնտակտային դերմատիտը զարգանում է, երբ ձեր մաշկը շփվում է գրգռիչ ազդեցությամբ գործոնի հետ, որն էլ առաջացնում է մաշկաբորբ: Նման վիճակն առաջանում է, երբ ձեր մաշկը երկար ժամանակի ընթացքում ենթարկվում է գրգռիչ ազդեցության:
Հոդվածը տեղադրվել է՝ 08-03-2019 վերանայվել է՝ 26-06-2023 | Հիմնական աղբյուր՝ Evidence-Based Overviews
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
