Հազ ունենալիս կարող եք դիմել որոշ տնային միջոցների:
Այս խորհուրդները կարող են ձեզ օգնել, որ թեթևացնեք տանջալի հազը:
- Շատ կարևոր է, որ պահպանեք օրգանիզմի ջրային հավասարակշռությունը՝ խմելով շատ ջուր: Եթե կան ուղեկցող հիվանդություններ, առատ ջուր խմելու հարցը ճշտեք ձեր բժշկի հետ:
- Գիշերային հազը թեթևացնելու համար քիչ բարձրացրեք անկողնու գլխային ծայրը: Այս մեթոդը կարող է օգտակար դառնալ նաև երեխաների և մեծ տարիքով մարդկանց համար:
- Հաճախակի օդափոխեք ննջասենյակի և ամբողջ բնակարանի օդը:
- Սենյակի ջերմաստիճանը պահեք հարմարավետ թվերի վրա՝ ոչ շատ տաք և ոչ շատ սառը:
- Ավելի շատ հանգստացեք և հետաձգեք ծանր ֆիզիկական գործերը՝ մինչև հազի վերանա:
- Ծխելը կամ այլ մարդկանց ծխախոտի ծուխը շնչելը կարող են սրացնել հազը և հարակից ախտանիշները: Մի՛ ծխեք և թույլ մի՛ տվեք, որ ձեր հարևանությամբ կամ տանը ծխեն:
- Եթե ունեք ջերմություն, դիմեք ինքնօգնության համապատասխան քայլերին և տեղեկացրեք այդ մասին ձեր բժշկին:
Անկախ այս քայլերից, դիմեք ձեր բժշկին, եթե՝
- ձեր հազը շարունակվում է 3 շաբաթ և ավելի երկար
- ձեր հազը խիստ ուժեղ է և աստիճանաբար ավելի է սաստկանում
- ունեք շնչարգելություն կամ հևոց
- հազալիս ձեր խորխում նկատել եք արյուն կամ խորխի գույնի արտասովոր փոփոխություններ
- ի հայտ են եկել անհասկանալի խնդիրներ, օրինակ՝ քաշի կորուստ կամ չմեղմացող ջերմություն:
Հոդվածը հրապարակվել է՝ 23-04-2018
Վերջին վերանայում՝ 23-04-2024