Գրադարան
Հազ․ ախտանիշներ
1 րոպե
Հազը կարող է լինել սուր կամ երկարաժամկետ՝ քրոնիկ:
Սուր հազը սկսվում է հանկարծակի և սովորաբար տևում մինչև 3 շաբաթ: Հազի այս տեսակը հաճախ ուղեկցում է մրսածությանը, գրիպին կամ սուր բրոնխիտին:
Քրոնիկ հազը շարունակվում է ավելի քան 8 շաբաթ կամ երեխաների մոտ՝ ավելի քան 4 շաբաթ: Այն կարող է արթնացնել գիշերները, երբ քնած եք և բերել հոգնածության ու ցերեկային քնկոտության:
Քրոնիկ հազը նաև կարող է ուղեկցվել այլ գանգատներով և ախտանիշներով, որոնցից են՝
- քթից արտադրություն կամ քթային կանգ
- կոկորդի ետին պատին հեղուկի հոսքի զգացողություն (հետքթային հոսք)
- կոկորդի հաճախակի մաքրում և ըմպանացավ
- ձայնի խզում կամ խռպոտություն
- խզզոցներ և շնչարգելություն
- այրոցք (изжога) կամ բերանում թթվահամ ետհոսք (ռեգուրգիտացիա)
- հազվադեպ՝ արյունային հազ:
Ե՞րբ դիմել բժշկին
Հազը կարող է լինել անվտանգ կամ վկայել որևէ լուրջ հիվանդության առկայության մասին: Պայմանավորվեք և այցելեք ձեր բժշկին, եթե հազը սկսել է դառնալ անհանգստացնող, խանգարում է ձերքունը կամ բերում այլ խնդիրների:
Դիմեք անհետաձգելի բուժօգնության, եթե հազն առաջացնում է սուր շնչարգելություն, ուշագնացություն և այլ սուր խնդիրներ:
Հոդվածը տեղադրվել է՝ 28-06-2021 վերանայվել է՝ 10-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
