Կրուպ (սուր օբստրուկտիվ լարինգիտ)

Կեղծ կրուպը մանկահասակ երեխաների մոտ շնչուղիների վիրուսային ծագման այտուց է, որը բերում է սուր շնչարգելության:

Կրուպը խոչընդատում է շնչառությունը և առաջացնում բնորոշ հաչացանման հազ: Հիվանդությունը երբեմն կոչվում է կեղծ կրուպ՝ տարբերակելու դիֆթերիային ուղեկցող վերին շնչուղիների մեխանիկական նեղացումից (իսկական կրուպ): Կրուպի առաջացման մեջ գլխավոր դերը պատկանում է կոկորդին (լարինքս) և շնչափողին (տրախեա), բժշկական գրականության մեջ և փաստաթղթերում կեղծ կրուպը կարող են գրանցվել որպես սուր լարինգոտրախեիտ:

Կեղծ կրուպի առաջացման հիմնական պատճառը նույն այն վիրուսներն են, որոնք կապված են ընդհանուր մրսածության և սուր շնչառական վիրուսային վարակի հետ (ՍՇՎՎ): Ահա թե ինչու մանկահասակ երեխաների շրջանում կրուպն ի հայտ է գալիս վիրուսային հիվանդությունների բռնկման սեզոններին՝ ուշ աշուն, ձմեռ և վաղ գարուն:

Հազը և կրուպի այլ գանգատներն ու ախտանիշները կոկորդի (լարինքս), շնչափողի (տրախեա) և բրոնխեալ խողովակների (բրոնխ) շուրջն այտուցի հետևանք է: Երբ հազն առաջացնում է նեղացած ուղիներով օդի արագ հեռացում, այտուցված ձայնալարերն առաջացնում են աղմուկ, որը նման է փոկի (ծովաշուն) հաչոցին: Նույն պատճառով ներշնչումը հաճախ առաջացնում է բարձր սուլող ձայն (ստրիդոր):

Տիպիկ դեպքերում կրուպը զարգանում է մանկահասակ երեխաների շրջանում: Այն սովորաբար լուրջ վիճակ չէ և երեխաների մեծ մասը կարող է բուժվել տնային պայմաններում:

Հոդվածը վերանայվել է՝ 23-07-2021