Ջրազրկում. բարդություններ

Ջրազրկում. բարդություններ

Արտահայտված ջրազրկումը կարող է բերել ծանր և հիվանդանոցային բուժում պահանջող խանգարումների ու բարդությունների:

  • Ջերմային խանգարումներ. երբ ծանր ֆիզիկական աշխատանք կատարելիս կամ վարժանքներով զբաղվելիս բավարար հեղուկներ չեք ստանում, կարող են զարգանալ ջերմային խանգարումներ՝ սկսած թեթև ջերմային ջղաձգումներից մինչև կյանքին սպառնացող ջերմային հարված:
  • Միզարձակության և երիկամային խնդիրներ. երկարաձգված կամ կրկնվող ջրազրկումը կարող է առաջացնել միզուղիների վարակ, երիկամային քարեր և նույնիսկ երիկամային անբավարարություն:
  • Ցնցումներ. էլեկտրոլիտները, օրինակ՝ կալիումը և նատրիումը, օգնում են էլեկտրական ազդանիշների մի բջջից մյուսին փոխանցմանը: Երբ էլեկտրոլիտային հավասարակշռությունը խախտված է, նորմալ էլեկտրական հաղորդականությունը նույնպես տուժում է: Սա կարող է բերել ակամա մկանային ջղաձգումների (ցնցումներ), երբեմն՝ նաև գիտակցության կորստի:
  • Ցածր արյան ծավալի շոկ (հիպովոլեմիկ շոկ). սա ջրազրկման ամենածանր, երբեմն՝ կյանքին սպառնացող բարդություններից է: Հիպովոլեմիկ շոկ զարգանում է, երբ փոքրանում է շրջանառող արյան ծավալը, որն էլ բերում է արյան ճնշման անկման և բոլոր օրգանների և հյուսվածքների թթվածնային քաղցի (հիպօքսիա):

Հոդվածը վերանայվել է՝ 04-04-2021