Ջրազրկում. բուժում

1 րոպե

Ջրազրկման միակ արդյունավետ բուժումը կորցրած հեղուկների և էլեկտրոլիտների փոխարինումն է:

Ջրազրկման բուժման լավագույն մոտեցումը կախված է ձեր տարիքից, ջրազրկման ծանրության ստիճանից և դրա պատճառներից:

Նորածինների և երեխաների համար, ովքեր ջրազրկվել են փորլուծությունից, փսխումից կամ ջերմությունից, օգտագործեք առանց դեղատոմսի բերանային ընդունման (օրալ) ռեհիդրացիոն լուծույթ: Այս լուծույթները պարունակում են ջուր և աղեր հատուկ համամասնություններով՝ ինչպես հեղուկները, այնպես էլ էլեկտրոլիտները համալրելու համար:

Սկսեք մոտավորապես մեկ թեյի գդալով (5 միլիլիտր) յուրաքանչյուր մեկից հինգ րոպեն մեկ և ավելացրեք ըստ տանելիության: Շատ փոքր երեխաների համար կարող է ավելի հեշտ լինել առանց ասեղ ներարկիչ օգտագործելը: Ավելի մեծ երեխաներին կարելի է տալ նոսրացված ըմպելիքներ: Օգտագործեք 1 բաժին ըմպելիքը 1 բաժին ջրին:

Փորլուծության, փսխման կամ ջերմության հետևանքով մեղմ և չափավոր ջրազրկում ունեցող չափահասների մեծ մասը կարող է բարելավել իր վիճակը՝ ավելի շատ ջուր կամ այլ հեղուկներ խմելով: Փորլուծությունը կարող է վատթարանալ խիտ մրգային հյութերի և զովացուցիչ ըմպելիքների պատճառով:

Եթե դուք աշխատում կամ մարզվում եք դրսում շոգ կամ խոնավ եղանակին, սառը ջուրը ձեր լավագույն օգնականն է: Սպորտային ըմպելիքները, որոնք պարունակում են էլեկտրոլիտներ և ածխաջրերի լուծույթ, նույնպես կարող են օգտակար լինել:

Երեխաները և չափահասները, ովքեր խիստ ջրազրկված են, պետք է բուժվեն շտապ օգնության կամ անհետաձգելի բուժօգնության անձնակազմի կողմից: Երակով (ներերակային) տրվող աղերն ու հեղուկները արագ ներծծվում են և արագացնում վերականգնումը: