Միշտ չէ, որ ծարավը օրգանիզմի ջրի պահանջի հուսալի վաղ ցուցանիշ է:
Բազմաթիվ մարդիկ, հատկապես տարեցները, ծարավ չեն զգում, քանի դեռ ջրազրկված չեն: Ահա թե ինչու շոգ եղանակին կամ հիվանդ լինելու ժամանակ կարևոր է ավելացնել ջրի ընդունումը:
Ջրազրկման նշաններն ու ախտանիշները նույնպես կարող են տարբերվել ըստ տարիքի:
Նորածին կամ մանկահասակ երեխա
- բերանի ու լեզվի չորություն
- լացելիս արցունքներ չկան
- երեք ժամ թաց տակդիրներ չկան
- աչքերի, այտերի ներանկում
- գլխի գագաթային գաղթունի ներանկում
- թուլություն և դանդաղկոտություն կամ դյուրագրգռություն։
Չափահաս
- խիստ ծարավ
- ավելի քիչ հաճախակի միզում (օլիգոուրիա)
- մուգ գույնի մեզ
- հոգնածություն
- գլխապտույտ
- շփոթվածություն:
Ե՞րբ դիմել բժշկին
Զանգեք ձեր ընտանեկան բժշկին, եթե դուք կամ ձեր երեխան՝
- ունեք 24 ժամ և ավելի երկար շարունակվող փորլուծություն
- դյուրագրգիռ կամ ապակողմնորոշված եք և սովորականից շատ ավելի քնկոտ կամ պակաս ակտիվ եք
- չեք կարողանում «պահել» հեղուկները (անընդհատ փսխում եք)
- ունեք արյունոտ կամ սևացած կղանք:
Հոդվածը հրապարակվել է՝ 04-04-2021
Վերջին վերանայում՝ 22-04-2024