Գրադարան

Ջրազրկում. կանխարգելում

Ջրազրկում. կանխարգելում

Time Read 1 րոպե

Ջրազրկումը կանխելու համար խմեք շատ հեղուկներ և կերեք ջրով հարուստ սնունդ, ինչպիսիք են մրգերն ու բանջարեղենը:

Առողջ մարդկանց մեծ մասի համար ծարավը բավարար հեղուկներ ստանալու ամենօրյա համարժեք ուղեցույց է:

Մարդիկ կարող են կարիք ունենալ ավելի շատ հեղուկներ ընդունել, եթե ունեն հետևյալ վիճակները:

  • Փսխում կամ փորլուծություն. եթե ձեր երեխան փսխում է կամ փորլուծություն ունի, հիվանդության առաջին նշանները նկատելիս սկսեք նրան լրացուցիչ ջուր կամ բերանային ընդունման (օրալ) ռեհիդրացիոն լուծույթ տալ: Մի՛ սպասեք, մինչև ջրազրկում զարգանա:
  • Ծանր վարժանքներ. ընդհանուր առմամբ, ավելի լավ է սկսել օրգանիզմում ջրի պաշար հավաքել ծանր վարժանքից մեկ օր առաջ: Թափանցիկ, նոսր և բավարար քանակով միզարձակումը լավ ցուցիչ է, որ դուք լավ հիդրատացված եք: Ֆիզիկական աշխատանքի կամ ծանր վարժանքի ընթացքում կանոնավոր ընդմիջումներով լրացրեք կորցրեք հեղուկները և ավարտելուց հետո շարունակեք խմել ջուր կամ այլ հեղուկներ:
  • Շոգ կամ ցուրտ եղանակ. դուք պետք է հավելյալ ջուր խմեք տաք կամ խոնավ եղանակին, որ օգնեք մարմնի ջերմաստիճանի նվազեցմանը և փոխարինեք այն, ինչ կորցնում եք քրտինքով: Ձեզ կարող է նաև անհրաժեշտ լինել լրացուցիչ ջուր ցուրտ եղանակին՝ չոր օդից խոնավության կորստի դեմ պայքարելու համար, հատկապես ավելի մեծ բարձրությունների վրա:
  • Հիվանդություն. տարեցները սովորաբար ջրազրկվում են սովորական հիվանդությունների ժամանակ, ինչպիսիք են գրիպը, բրոնխիտը կամ միզապարկի վարակները: Համոզվեք, որ ընդունում եք լրացուցիչ հեղուկներ, երբ լավ չեք զգում:

Հոդվածը տեղադրվել է՝ 04-04-2021 վերանայվել է՝ 07-11-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով