Գրադարան

Դելիրիում․ ինքնօգնություն

Դելիրիում․ ինքնօգնություն

Time Read 2 րոպե

Եթե ​​դուք դելիրիումի ռիսկի տակ գտնվող մեկի հարազատն եք կամ խնամողը, կարող եք քայլեր ձեռնարկել՝ կանխելու դրվագը:

Եթե ​​դուք խնամում եք ինչ-որ մեկին, ով ապաքինվում է դելիրիումից, այս քայլերը կարող են օգնել բարելավելու նրա առողջությունը և կանխելու մեկ այլ դրվագը:

Աջակցեք բավարար քնի սովորույթները

Լավ քնի սովորույթներն աջակցելու համար՝

  • ապահովեք հանգիստ և խաղաղ միջավայր
  • օրվա բոլոր ժամերին ապահովեք բավարար լուսավորվածություն
  • օրակարգը և բուժական միջոցառումները նախատեսեք այնպես, որ գիշերային քնի խանգարումներ չլինեն
  • ցերեկվա ժամերին օգնեք դելիրիումով մարդու ինքնախնամքին և ֆիզիկական ակտիվությանը։

Աջակցեք հանգիստ վիճակը և կողմնորոշումը

Օգնեք դելիրիում ունեցող մարդուն, որ նա մնա հանգիստ և բավարար կողմնորոշված հետևյալ մեթոդներով՝

  • տրամադրեք նրան ժամացույց և օրացույց, որ կարողանա ցանկացած պահին ճշտել տվյալ օրվա ամսաթիվը և ժամը
  • տեղեկացրեք նրան մոտակա գործերի մասին, օրինակ, այն, որ շուտով ճաշելու եք
  • սենյակում պահեք դելիրիումով մարդուն ծանոթ և նրա կողմից նախընտրելի իրեր, առարկաներ, նկարներ և կահույք և խուսափեք «ծանրացնող» միջավայր ստեղծելուց
  • մարդուն մոտեցեք հանգիստ ձևով
  • նրբանկատ կերպով պարբերաբար հիշեցրեք, թե ով եք դուք և շրջապատի մյուս մարդիկ
  • խուսափեք վեճերից և փաստարկումներից
  • ստեղծեք մտերմիկ ու վստահություն ներշնչող շփում
  • նվազեցրեք շրջակա աղմուկի մակարդակը
  • ըստ անհրաժեշտության տրամադրեք օպտիկական ակնոցներ կամ լսողական սարքեր։

Կանխարգելեք բարդացնող խնդիրները

Օգնեք առողջական խնդիրների կանխարգելմանը հետևյալ քայլերով՝

  • խստորեն հետևեք բժշկի նշանակումներին և տվեք դեղերը ճիշտ այն ժամերին, ինչպես նշանակված է
  • ապահովեք բավարար հեղուկներ և առողջ սննդակարգ
  • աջակցեք կանոնավոր ֆիզիկական ակտիվությանը
  • ապահովեք հնարավոր խնդիրների արագ լուծումը, օրինակ՝ վարակների բուժում կամ նյութափոխանակության անհավասարակշության կարգավորում։
Բուժում      

Հոդվածը տեղադրվել է՝ 01-04-2023 վերանայվել է՝ 01-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով