Բուժում - Դելիրիում

Դելիրիումի բուժման առաջին նպատակ ցանկացած պատճառի կամ դրդապատճառի (տրիգերի) վերացումն է:

Դա կարող է ներառել որոշ դեղամիջոցների դադարեցում, վարակի բուժում կամ օրգանիզմում հայտնաբերված անհավասարակշռության բուժում: Այնուհետև բուժումը կենտրոնանում է օրգանիզմի վերականգնման և գլխուղեղը հանգստացնելու լավագույն միջավայրի ստեղծման վրա:

Օժանդակող խնամք

Օժանդակող կամ աջակցող խնամքը նպատակ ունի կանխել բարդությունները: Ահա այն քայլերը, որոնք պետք է ձեռնարկվեն՝

• պաշտպանել շնչուղիները
• տրամադրել հեղուկներ և սնուցում
• աջակցել տեղաշարժմանը
• բուժել ցավը
• անդրադառնալ միզապարկի հսկողության բացակայությանը
• խուսափել ֆիզիկական սահմանափակումների և միզային կաթետերների օգտագործումից
• հնարավորության դեպքում խուսափել շրջապատի և խնամողների փոփոխություններից
• խնամքին ներգրավել ընտանիքի անդամներին կամ ծանոթ մարդկանց։

Դեղեր

Եթե ​​դուք դելիրիում ունեցող մեկի ընտանիքի անդամն եք կամ խնամողը, խոսեք բժշկի հետ այն դեղերի մասին, որոնք կարող են առաջացնել ախտանիշները: Բժիշկը կարող է առաջարկել, որ անձը խուսափի այդ դեղամիջոցներն ընդունելուց կամ ավելի ցածր դեղաչափ նշանակի: Որոշ դեղամիջոցներ կարող են անհրաժեշտ լինել՝ դելիրիում առաջացնող ցավը վերահսկելու համար:

Այլ տեսակի դեղամիջոցները կարող են օգնել հուզված կամ շփոթված մարդուն հանգստացնելուն: Կամ դեղամիջոցներ կարող են անհրաժեշտ լինել, եթե անձը անվստահություն է ցուցաբերում ուրիշների նկատմամբ, վախենում է կամ տեսնում է բաներ, որոնք ուրիշները չեն տեսնում (տեսողական ցնորք): Այս դեղերը կարող են անհրաժեշտ լինել, երբ ախտանիշները՝

• դժվարացնում են բուժզննում կատարելը կամ բուժումը
• մարդուն վտանգի է ենթարկում կամ սպառնում է ուրիշների անվտանգությանը
• չեն մեղմանում այլ բուժումներով:

Ախտանիշները վերացնելու դեպքում այդ դեղերը սովորաբար դադարեցվում են կամ տրվում են ավելի ցածր դեղաչափերով: