Դիաբետիկ կետոացիդոզ. ախտանիշներ

2 րոպե

Դիաբետիկ կետոացիդոզի ախտանիշները հաճախ հայտնվում են արագ, երբեմն 24 ժամվա ընթացքում:

Ոմանց համար այս ախտանիշները կարող են լինել դիաբետի առաջին նշանը: Ախտանիշները կարող են ներառել՝

• խիստ ծարավ լինելը
• հաճախ միզելը
• փսխելու կարիք զգալը և փսխելը
• ստամոքսի ցավ ունենալը
• թույլ կամ հոգնած լինելը
• շնչառության պակաս զգալը և հևալը
• շնչելուց մրգային բուրմունքով հոտը
• շփոթված լինելը:

Դիաբետիկ կետոացիդոզի ավելի առանձնահատուկ նշանները, որոնք կարող են հայտնաբերվել տնային արյան և մեզի թեստերում, ներառում են՝

• արյան շաքարի բարձր մակարդակը (հիպոգլիկեմիա)
• մեզում կետոնի բարձր մակարդակը (կետոնուրիա)։

Ե՞րբ դիմել բժշկին

Եթե զգում եք ինքնազգացողության վատացում, ճնշվածություն, վերջերս ունեցել եք որևէ հիվանդություն կամ վնասվածք, ստուգեք ձեր արյան շաքարն ավելի հաճախակի: Դուք նաև կարող եք փորձել առանց դեղատոմսի վաճառվող մեզում կետոնների ստուգման թեստ-հավաքածու:

Եթե վատ եք զգում կամ լարվածություն եք զգում, վերջերս հիվանդություն կամ վնասվածք եք ունեցել, հաճախակի ստուգեք ձեր արյան շաքարի մակարդակը: Դուք կարող եք նաև փորձել մեզում կետոնի թեստ-հավաքածու, որը կարող եք ձեռք բերել դեղատանը:

Անմիջապես դիմեք ձեր բժշկին, եթե՝

• ունեք հաճախակի փսխում եք և չեք կարողանում ստամոքսում սնունդ կամ հեղուկ պահել
• ձեր արյան շաքարի մակարդակն ավելի բարձր է, քան ձեր թիրախային միջակայքը և չի արձագանքում տնային բուժմանը
• ձեր մեզի կետոնների մակարդակը չափավոր կամ բարձր է:

Անմիջապես զանգեք 1-03 և կանչեք շտապ օգնություն, եթե՝

• ձեր արյան շաքարի մակարդակը մեկից ավելի թեստով բարձր է 16,7 միլիմոլից մեկ լիտրում (մմոլ/լ) կամ 300 միլիգրամից մեկ դեցիլիտրում (մգ/դլ)
• դուք ունեք կետոններ ձեր մեզի մեջ և չեք կարող դիմել ձեր բժշկին խորհրդատվության համար
• դուք ունեք դիաբետիկ կետոացիդոզի բազմաթիվ ախտանիշներ՝ ուժեղ ծարավ, հաճախակի միզում, սրտխառնոց և փսխումներ, ստամոքսի ցավ, թուլություն կամ հոգնածություն, հևոց, մրգային հոտով շունչ և շփոթվածություն:

Հիշեք, որ չբուժված դիաբետիկ կետոացիդոզը կարող է հանգեցնել մահվան: